“तू सिगारेटसारखी…” सिद्धार्थ शुक्लाने शहनाझबद्दल केलेले थेट वक्तव्य पुन्हा चर्चेत

छोट्या पडद्यावरील लोकप्रिय अभिनेता आणि बिग बॉस १३चा विजेता सिद्धार्थ शुक्लाचे गेल्या वर्षी निधन झाले. सिद्धार्थ शुक्लाचे निधन हृदयविकारच्या झटक्याने झाले. त्याच्या निधन संपूर्ण इंडस्ट्रीला मोठा धक्का बसला. त्याचा चाहता वर्ग खूप मोठा आहे. आज सिद्धार्थ शुक्लाचा वाढदिवस आहे. या निमित्ताने अनेक चाहते त्याच्या जुन्या आठवणींना उजाळा देत असल्याचे दिसत आहे. सध्या सिद्धार्थ शुक्ला हा सोशल मीडियावर ट्रेंड होताना दिसत आहे. गेल्यावर्षी २ सप्टेंबर २०२१ रोजी हृदयविकाराच्या झटक्याने सिद्धार्थचे निधन झाले. तो ४० वर्षांचा होता. सिद्धार्थ आणि शहनाझ ही जोडी ‘बिग बॉस १३’च्या घरात असताना चर्चेत होती. सोशल मीडियावर ‘सिदनाज’ म्हणून हे कपल लोकप्रिय होते. सिद्धार्थच्या वाढदिवसानिमित्त सिदनाज यांचा एक जुना व्हिडीओ सोशल मीडियावर व्हायरल होत आहे. बिग बॉसच्या घरातील एका भांडणादरम्यान सिद्धार्थने शहनाझबद्दल स्पष्ट मत मांडलं होतं. “शहनाझ तू माझ्यासाठी सिगारेटसारखी आहेस.” “मला माहिती आहे की तू मला उद्धवस्त करत आहेस. पण तरीही मी त्याचे सेवन करतो,” असे त्याने यावेळी म्हटले होते. यानंतर एका मुलाखतीदरम्यान सिद्धार्थने याबद्दल एक स्पष्टीकरण दिले होते. तो म्हणालेला की, “शहनाझ ही बिग बॉसच्या घरात सतत माझ्याशी भांडायची.” “त्यामुळे पूर्ण वेळ तिला समजवण्यात जायचा.” “शहनाझ रागवल्यामुळे कधीकधी माझाही मूड ऑफ व्हायचा.” “बिग बॉसच्या घरात मी सर्वाधिक काळ तिच्यासोबतच असायचो.” “त्यामुळेच मी असे म्हणालो होतो,” असे स्पष्टीकरण त्याने दिले होते. सध्या त्याचा हा व्हिडीओ सोशल मीडियावर तुफान व्हायरल होत आहे. त्याचा हा व्हिडीओ पाहून चाहत्यांच्या डोळे पुन्हा पाणावले आहेत.