हॉटेलमध्ये गाणं गाणारा ते लोकप्रिय युट्यूबर; ओटीटीवर झळकणारा भुवन बाम कमावतो ‘इतके’ कोटी

युट्यूबचा बादशाह म्हणून ज्याला ओळखलं जातं त्या भुवन बामने ओटीटी विश्वात दमदार पदार्पण केलं आहे. हॉटस्टारवरील 'ताजा खबर' या वेबसीरिजमधून भुवनने ओटीटीमध्ये एंट्री घेतली आहे. बऱ्याच प्रेक्षकांना भुवनची ही सीरिज आणि त्यातील त्याचं काम आवडलं आहे. भुवनला देशभरातच नव्हे तर जगभरात लोकप्रियता मिळाली ती त्याच्या 'बीबी की वाईन्स' या युट्यूब चॅनलच्या माध्यमातून. युट्यूब व्हिडिओच्या आधी भुवन रेस्टोरंटमध्ये गायचा, याबरोबरच तो फेसबुकवर विनोदी व्हिडिओजसुद्धा बनवायचा. २०१५ मध्ये त्याने त्याचे चॅनल 'बीबी की वाईन्स' सुरू केलं आणि मग त्याने मागे वळून पाहिलंच नाही. भुवन हा एक उत्तम गीतकार आणि गायकही आहे. त्याचे म्युझिक व्हिडिओसुद्धा चांगलेच हीट झाले आहेत. २०२१ मध्ये कोविडमुळे भुवनच्या आई वडिलांचे निधन झाले. भुवन त्यांच्या फार जवळचा होता, भुवनला प्रत्येक गोष्टीत त्याच्या आई वडिलांना भरपूर प्रोत्साहन दिलं. बीबीसीला दिलेल्या एका मुलाखतीमध्ये भुवनने तो युट्यूबच्या माध्यमातून बक्कळ पैसे कमावतो हे कबूल केलं होतं. त्याचं चॅनल 'बीबी की वाईन्स'चे तब्बल २५.७ मिलियन सबस्क्रायबर्स आहेत. भुवनची आत्ताची संपत्ती तब्बल ३० कोटी इतकी आहे. शिवाय भुवन यूट्यूबच्या माध्यमातून वर्षाला ४ कोटी आणि महिन्याला २५ लाख एवढी कमाई सहज करतो. (फोटो सौजन्य : भुवन बाम / इन्स्टाग्राम)