Photos : हिंदू मंदिरात प्रवेश नाकारलेली ‘ही’ दाक्षिणात्य अभिनेत्री नेमकी आहे तरी कोण?

दाक्षिणात्य सिनेसृष्टीतील प्रसिद्ध अभिनेत्री अमला पॉलला मंदिरात प्रवेश करण्यापासून रोखण्यात आले. केरळमधील एर्नाकुलम येथील तिरुवैरानिकुलम महादेव मंदिरात अधिकाऱ्यांनी तिला प्रवेश नाकारल्याचा आरोप अभिनेत्रीने केला आहे. 'धार्मिक भेदभावामुळे तिला मंदिरात प्रवेश दिला नाही असाही आरोप तिने केला आहे. अमला पॉल सोमवारी दर्शनासाठी मंदिरात पोहोचली होती, परंतु मंदिराच्या अधिकाऱ्यांनी तिला प्रवेश नाकारला. प्रथेचे कारण देत अभिनेत्रीला मंदिरात जाण्यापासून रोखण्यात आले. तिला सांगण्यात आले की मंदिर परिसरात फक्त हिंदूंनाच प्रवेश आहे. मंदिर प्रशासनाशी संबंधित अधिकाऱ्यांचे म्हणणे आहे की त्यांनी केवळ मंदिराचे नियम पाळले आहेत. अमाला पॉलचा जन्म ख्रिश्चन कुटुंबात झाला आहे. ती दक्षिणेतील प्रसिद्ध अभिनेत्री आहे. मॉडेलिंग ते निर्माती असा तिचा प्रवास आहे. अमला पॉल प्रामुख्याने तमिळ, मल्याळम आणि तेलुगू चित्रपटांमध्ये दिसते. नीलथमारा या मल्याळम चित्रपटातून त्यांनी अभिनय क्षेत्रात पदार्पण केले. अमला पॉल 'रंजीश ही सही' या हिंदी वेबसीरिजमध्येही दिसली आहे. लवकरच ती अजय देवगणच्या भोला चित्रपटात दिसणार अशी चर्चा आहे. फोटो सौजन्य : इंडियन एक्सप्रेस