विराट कोहली-सलमान खानने दिल्या कोट्यवधींच्या कार; अथिया-केएल राहुलला गिफ्टमध्ये मिळाले फ्लॅट, ब्रेसलेट अन्…

मागील अनेक दिवसांपासून क्रिकेटपटू केएल राहुल आणि अभिनेता सुनिल शेट्टी यांची मुलगी अथिया शेट्टी यांच्या लग्नाची चर्चा होती. त्यांनी खंडाळा येथे २३ जानेवारी रोजी लग्न केले आहे. मागील बऱ्याच दिवसांपासून या विवाहासाठी तयारी केली जात होती. दरम्यान, या विवाहानंतर अथिया आणि केएल राहुल या जोडीला अनेकजण भेटवस्तू देत आहेत. अभिनेता अनिल कपूर, सलमान खान, जॅकी श्रॉफ यांनी या जोडप्याला महागड्या भेटवस्तू दिल्या आहेत. तसेच क्रिकेटपटू विराट कोहली, महेंद्रसिंह धोनी यांनीही या नव्या जोडीला कोट्यवधींच्या भेटवस्तू दिल्याची चर्चा आहे. अथिया शेट्टीचे वडील सुनिल शेट्टी यांनी या नव्या जोडीला मुंबईत एक आलिशान फ्लॅट भेट म्हणून दिल्याचे म्हटले जात आहे. या फ्लॅटची किंमत ५० कोटी असल्याचे सांगितले जात आहे. तर सलमान खानने अथियाला तब्बल १.६४ कोटी रुपयांची कार गिफ्ट म्हणून दिल्याचे म्हटले जात आहे. अभिनेता जॅकी श्रॉफनेदेखील ३० लाख रुपयांचे घड्याळ भेट केले आहे. अभिनेता अनिल कपूरने १.५ कोटी रुपयांचे ब्रेसलेट भेट म्हणून दिल्याचे म्हटले जात आहे. विराट कोहलीने केएल राहुलला २.१७ कोटी रुपयांची BMW कार भेट म्हणून दिली आहे. तर एमएस धोनीने राहुलला ८० लाखांची कावासाकी निंजा बाईक गिफ्ट दिली आहे. बॉलिवूड आणि क्रिकेट जगताशी संबंधित या जोडीवर शुभेच्छांचा आणि भेटवस्तूंचा वर्षाव झाला आहे. दोघांच्या लग्नाइतकीच त्यांना मिळालेल्या भेटवस्तूंची देखील चर्चा आहे. (सर्व फोटो - इन्स्टाग्राम व इंडियन एक्सप्रेसवरून साभार)