‘महाराष्ट्राची हास्यजत्रा’ फेम वनिता खरातने बांधली लग्नगाठ, फोटो पाहिलेत का?

‘महाराष्ट्राची हास्यजत्रा’ फेम अभिनेत्री वनिता खरात ही नुकतीच विवाहबंधनात अडकली. वनिताने तिचा बॉयफ्रेंड सुमित लोंढेशी लग्नगाठ बांधली. मोजक्या नातेवाईक आणि मित्रपरिवारांच्या उपस्थितीत हा सोहळा पार पडला. आता वनिताच्या लग्नाचे विविध फोटो आणि व्हिडीओ व्हायरल होताना दिसत आहेत. वनिताने लग्नासाठी पांढऱ्या रंगाची साडी नऊवारी साडी, डिझायनर ब्लाऊज आणि पैठणी शेला असा मराठमोळा लूक केला होता. त्याबरोबर तिने पारंपरिक दागिनेही परिधान केले होते. तर सुमितने शेरवानी आणि फेटा बांधत शाही लूक केला होता. त्यानंतर या दोघांनी रिसेप्शनला साडी आणि ब्लेझर असा वेस्टर्न लूक केला होता. यावेळी वनिताने जांभळ्या रंगाची साडी परिधान केली होती. तर सुमीत हा निळ्या रंगाच्या सूट-बुटात पाहायला मिळाला. वनिता आणि सुमित लोंढे यांच्या लग्नाची गेल्या कित्येक दिवसांपासून चर्चा सुरु होती. त्यांच्या मेहंदी आणि हळदी सोहळ्यातील फोटोही व्हायरल झाले होते. वनिता व सुमितच्या लग्नात महाराष्ट्राची हास्यजत्रा शोमधील अनेक कलाकारांनी हजेरी लावली होती. यावेळी महाराष्ट्राची हास्यजत्राच्या कलाकारांनी तिच्या लग्नात केलेल्या खास डान्सचीही सध्या चर्चा सुरु आहे.