बॉलिवूडच्या दिग्गज अभिनेत्याशी नातं, करिअरमध्ये सलमानचा ‘तो’ सल्ला; कियारा अडवाणीबद्दलच्या ‘या’ गोष्टी ठाऊक आहेत का?

बॉलिवूडमधील लोकप्रिय ऑनस्क्रीन जोडपं कियारा अडवाणी आणि सिद्धार्थ मल्होत्रा अखेर विवाह बंधनात अडकणार आहेत. 'शेरशहा' चित्रपटाच्या दरम्यान दोघांची भेट झाली आणि त्यांचे प्रेमप्रकरण सुरु झाले कियारा अडवाणीने अवघ्या काही वर्षांच्या करिअरमध्ये बॉलिवूडमध्ये आपले नाव कमावले आहे. तिच्याबद्दलच्या गोष्टी आपण जाणून घेऊयात. कियाराचे खरे नाव आलिया आहे, तिने खुलासा केला की तिचा पहिला चित्रपट 'फगली' चित्रपट प्रदर्शित होण्याआधी तिने आपले नाव बदलून कियारा असे ठेवले. 'दबंग' अभिनेता सलमान खानने तिला तिचे नाव बदलण्याचा सल्ला दिला होता. कारण आलिया भट्ट ही आधीच बॉलिवूडमध्ये दाखल झाली होती. कियारा अडवाणीचे ज्येष्ठ अभिनेते अशोक कुमार यांच्याशी कौटुंबिक संबंध आहेत. तिने एका मुलाखतीत हा खुलासा केला होता. ती असं म्हणाली होती माझी आजी ही अशोक कुमारांची मुलगी आहे तसेच माझ्या आजोबांचा भाऊ सईद जाफरी आहे. पण खेदाची गोष्ट म्हणजे मी या दोघांनाही कधीच भेटले नाही. अभिनेत्री जुही चावला बरोबरच्या नात्यावर ती असं म्हणाली होती, माझे आई-वडील काही अभिनेत्यांचे बालपणीचे मित्र आहेत. जुही माझ्या वडिलांची बालपणीची मैत्रिण आहे. कियाराचा जन्म मुंबईतला असून तिने जय हिंद कॉजेमधून आपले महाविद्यालयीन शिक्षण पूर्ण केले आहे. 'कबीर सिंग', 'शेरशहा', 'भूलभुलैया २',' लक्ष्मी' यासांरख्या सुपरहिट चित्रपटात काम केले आहे तसेच तिने दक्षिणेतदेखील काम केले आहे. फोटो सौजन्य : इन्स्टाग्राम

सिद्धार्थ-कियाराचा शाही विवाहसोहळा जैसलमेरमधील सूर्यगढ पॅलेसवर पार पडणार आहे.