मराठमोळी वेब क्वीन मिथीला पालकरचा ग्लॅमरस अंदाज चर्चेत; चाहते म्हणाले “साऊथच्या चित्रपटात काम कर”

वेब विश्वात स्वतःची ओळख निर्माण करणारी अभिनेत्री मिथिला पालकर सोशल मीडियावर चांगलीच सक्रिय असते. आपल्या सोशल मीडिया हँडलवर मिथिला तिच्या आयुष्यातील वेगवेगळे अपडेट देत असते. शिवाय बऱ्याच वेगवेगळ्या आऊटफिटमधील फोटोजसुद्धा ती चाहत्यांबरोबर शेअर करत असते. नुकतंच मिथिलाने भगव्या रंगाचा वेस्टर्न ड्रेस आणि त्याच रंगाचे जॅकेट परिधान करून फोटो शेअर केले आहेत. मिथिला या आऊटफिटमध्ये प्रचंड ग्लॅमरस दिसत आहे. तिचा हा बोल्ड आणि ग्लॅमरस अंदाज पाहून तिच्या काही चाहत्यांनी "तू दाक्षिणात्य चित्रपटात काम का करत नाहीस?" असा प्रश्न विचारला आहे. या रंगाच्या आऊटफिटमध्ये मिथिलाचं सौंदर्य आणखीन खुलून दिसत आहे. वेबविश्वातील उल्लेखनीय कामगिरीबद्दल नुकतंच मिथिलाला पुरस्कार देऊन सन्मानित करण्यात आलं, याच इव्हेंटदरम्यान तिचा हा ग्लॅमरस लूक समोर आला. मिथिलाचे हे फोटो सोशल मीडियावर चांगलेच व्हायरल झाले आहेत. (फोटो सौजन्य : मिथिला पालकर / इंस्टाग्राम)