‘महाराष्ट्राची हास्यजत्रा’ फेम दत्तू मोरेने उरकलं गुपचूप लग्न, पाहा फोटो

‘महाराष्ट्राची हास्यजत्रा’ या कार्यक्रमातून प्रसिद्धीझोतात आलेला अभिनेता दत्तू मोरे नुकताच विवाहबंधनात अडकला आहे. मंगळवारी २३ मे २०२३ रोजी दत्तूने गुपचूप लग्नगाठ बांधत नव्या आयुष्याला सुरुवात केली. ‘फ्रेम फायर स्टुडिओ’ या इन्स्टाग्राम पेजवरुन दत्तूचे फोटो शेअर करण्यात आले आहेत. स्वाती घुनागे असे दत्तूच्या पत्नीचे नाव आहे. दत्तूने पत्नीसह प्री वेडिंग फोटोशूटचे काही फोटो पोस्ट करत चाहत्यांना याची माहिती दिली. या फोटोमध्ये दत्तू त्याच्या पत्नीबरोबर फोटोसाठी पोझ देताना दिसत आहे. या फोटोला त्यांनी “जस्ट मॅरीड” असं कॅप्शन दिलं आहे. दत्तूने शेअर केलेल्या या फोटोवर अनेक कलाकार कमेंट करताना दिसत आहे. 'अभिनंदन भावा', 'अभिनंदन मित्रा' अशा कमेंट या फोटोवर पाहायला मिळत आहे.