अब्जाधीश उदय कोटक यांच्या मुलाचे जंगी रिसेप्शन, रणवीर सिंह व दीपिका पदुकोणने लावली हजेरी, फोटो पाहिलात का?

Jay Kotak Aditi Arya wedding reception: अब्जाधीश उदय कोटक यांचा मुलगा जयच्या लग्नाची सध्या जोरदार चर्चा आहे. जय कोटकने २०१५ मधील मिस इंडिया आदिती आर्याशी लग्नगाठ बांधली. जय व अदितीचं लग्न मुंबईतील अंबानींच्या जिओ कन्व्हेन्शन सेंटरमध्ये ७ नोव्हेंबर २०२३ रोजी झालं. जय कोटक आणि अदिती आर्या यांच्या लग्नसोहळ्याला अंबानी कुटुंबासह प्रसिद्ध उद्योगपतींनी हजेरी लावली होती. लग्नानंतर आता त्यांच्या रिसेप्शनमधील एक फोटो समोर आला आहे. या फोटोची जोरदार चर्चा आहे. दोघांच्या रिसेप्शनला सेलिब्रिटीही पोहोचले होते. जय व अदितीच्या रिसेप्शनमध्ये बॉलीवूडमधील लाडक्या जोडीने हजेरी लावली. सोशल मीडियावर त्यांच्या रिसेप्शनचा एक फोटो व्हायरल झाला आहे. त्यात दीपिका पदुकोण व रणवीर सिंह दिसत आहेत. दीपिकाच्या टीमने रिसेप्शनमधील हा फोटो एक्सवर शेअर केला आहे. (फोटो - दीपिका पदुकोण टीम) अदिती व जय एकमेकांना बऱ्याच काळापासून डेट करत होते. त्यांनी यावर्षी मे मध्ये एंगेजमेंट केली होती. अदिती ही माजी मिस इंडिया आहे. चीनमध्ये झालेल्या मिस वर्ल्ड स्पर्धेतही तिने भारताचे प्रतिनिधित्व केले होते. आदितीने ‘इसम’ या चित्रपटातून टॉलिवूडमध्ये पदार्पण केले. याशिवाय तिने ‘८३’ या बॉलिवूड चित्रपटातही काम केले होते. (सर्व फोटो - अदिती आर्या व जय कोटक इन्स्टाग्राम)