Sushmita Sen Birthday: १८व्या वर्षी मिस युनिव्हर्स झालेल्या सुश्मिता सेनची संपत्ती बघून व्हाल चकित! पाहा तिची संपत्ती

बॉलिवूड अभिनेत्री सुश्मिता सेन तिच्या उत्कृष्ट अभिनयामुळे ओळखली जाते. तिने अनेक चित्रपटांमध्ये काम केलं आहे. तिचे अनेक चित्रपट सुपरहिट ठरले आहेत. १९ नोव्हेंबर, १९७५ रोजी बंगाली कुटुंबात जन्मलेल्या सुश्मिता सेनचे वडील सुबीर सेन हे भारतीय हवाई दलात विंग कमांडर होते, तर आई शुभ्रा सेन या ज्वेलरी डिझायनर होत्या. सुश्मिता सेन ही १९९४ मध्ये मिस युनिव्हर्स ची विजेती ठरली होती. सुश्मिताचे शिक्षण हिंदी माध्यमातून झाले आहे.. सुरुवातीच्या काळात तिचे इंग्रजी थोडे कच्चे होते. मिस युनिव्हर्स स्पर्धेत तिला एक इंग्रजीमधील प्रश्न समाजाला नव्हता. या बाका प्रसंगावेळीही तिने आत्मविश्वासाने उत्तर दिले होते आणि 'मिस युनिव्हर्स' चा मुकुट जिंकला. तसेच तिने सांगितले की, भाषा कोणतीही असो, यश मिळवण्यासाठी ज्ञान आणि माहिती असणे गरजेचे असते. सुष्मिताने बॉलिवूडमध्ये स्वत:चे अस्तित्व सिद्ध केले. आज ती कोट्यवधी रुपयांची मालकीण आहे. तिची एकूण संपत्ती १२ दशलक्ष डॉलर्स म्हणजे सुमारे १०० कोटी रुपये आहे. सुश्मिता सेन एका चित्रपटासाठी ३ ते ४ कोटी रुपये मानधन घेते. अभिनया व्यतिरिक्त ती ब्रॅण्डऍम्बॅसिडर सुद्धा आहे. त्याचेही ती मानधन घेते अभिनेत्री सुश्मिता सेनला महागड्या गाड्यांची आवड आहे. तिच्या कार कलेक्शनमध्ये १.३८ कोटी रुपयांची बीएमडब्ल्यू ७ सिरीज ७३० एलडी, ३५ लाख रुपयांची Lexus LX470, ९६ लाख रुपयांची बीएमडब्ल्यू एक्स६, ८ लाख रुपयांची Fiat Linea आणि ७ लाख रुपयांची ऑडी क्यू७ यांचा समावेश आहे. (फोटो स्रोत: @sushmitasen47/instagram)