आमिर खानचा जावई नूपुर शिखरेने बनियान व शॉट्स घालून लग्न का केलं? हटके वरात लूकचं खरं कारण ऐकून कराल कौतुक

Ira Khan Wedding: आमिर खानची लेक आयरा खानने ३ जानेवारीला नूपुर शिखरे याच्याशी विवाहगाठ बांधली. दोघांनी नोंदणी पद्धतीने लग्न केले आहे. ८ जानेवारीला उदयपूरमध्ये आयरा व नूपुर रीतसर लग्न करणार असल्याचे सुद्धा समजतेय. दरम्यान या लग्नाच्या वेळी नूपुर शिखरने घातलेल्या कपड्यांची सुद्धा विशेष चर्चा आहे आमिर खानच्या जावयाला लग्नासाठी साधा कुर्ता घेता आला नाही का असा प्रश्न करत अनेकांनी नूपुरच्या बनियान आणि शॉर्ट्स लुकला ट्रोल केले आहे. पण जेव्हा तुम्हाला आयरा खानचा पती नूपुर शिखरेच्या या लूकमागील खरं कारण समजेल तेव्हा तुम्हीही कदाचित कौतुक कराल. नूपुर शिखरे हा जिममध्ये ट्रेनर आहे आणि अर्थात त्यामुळे त्याच्या लग्नाच्या दिवसाला सुद्धा त्याला कदाचित व्यायामाची थीम जोडायची असावी. म्हणूनच नूपुर सांताक्रूझवरून बंदरापर्यंत धावत लग्न करण्यासाठी पोहोचला होता. सांताक्रूज ते बांद्रा मध्ये साधारण ८ किमी अंतर आहे, हे अंतर पार करताना नूपुर जॉगिंग करत आला होता नूपुरने वरातीत ढोल वाजवल्याचे फोटो सुद्धा सोशल मीडियावर चर्चेत आहेत याचदरम्यान वरातीत नाचतानाचे नूपुरचे फोटो सुद्धा बनियान व शॉर्ट्स घालूनच दिसत आहेत नूपुर याच वेशात आयराच्या बाजूला जाऊन बसला होता आणि कागदपत्रांवर सही करून त्याने आपल्या लग्नाच्या निर्णयावर शिक्कामोर्तब केले. (सर्व फोटो: लोकसत्ता ग्राफिक्स टीम)