मायरा वैकुळच्या मिड-नाइट बर्थडे सेलिब्रेशनचे फोटो पाहिले का? ‘या’ प्रसिद्ध अभिनेत्रीनेही लावली हजेरी

बालकलाकार मायरा वैकुळ 'माझी तुझी रेशीमगाठ' या मालिकेतून महाराष्ट्रातील घराघरात पोहोचली. महाराष्ट्रात ती 'परी' या नावाने ओळखली जाते. मात्र आता ती महाराष्ट्रातच नाही तर संपूर्ण देशात लोकप्रिय झाली आहे. 'निरजा' या मालिकेतून तिने हिंदी मालिका विश्वात पदार्पण केलं होतं. नुकतंच मायराने तिचा ७ वा वाढदिवस साजरा केला आहे. आज २२ जानेवारीला तिचा वाढदिवस आहे. मायराने रात्री १२ वाजता तिचा वाढदिवस साजरा केला आहे. यावेळी तिने दोन केक कापले आहेत. मायराने आपल्या घरीच रात्री १२ वाजता केक कापले आहेत. वाढदिवसाच्या सेलिब्रेशनसाठी घरातच सुंदर डेकोरेशन केलं होतं. यावेळी डेकोरेशनसाठी युनिकॉर्न थीम ठेवली होती. मायरानेही या थीमला साजेसा ड्रेस घातला होता. मायराच्या वाढदिवशी तिला शुभेच्छा देण्यासाठी अनेक लोक आले होते. 'निरजा' या मालिकेमध्ये मायराच्या आईची भुमिका साकारणारी स्नेहा वाघही यावेळी उपस्थित होती. दरम्यान, चाहत्यांनीही मायराला वाढदिवसाच्या शुभेच्छा दिल्या आहेत. (फोटो : मायरा/इन्स्टाग्राम अकाऊंट)