प्रसिद्ध अभिनेत्याने केलं अरेंज मॅरेज, सात वर्षांनी लहान आहे पत्नी, लग्नाचे फोटो आले समोर

दाक्षिणात्य अभिनेता गोविंद पद्मसूर्या विवाहबंधनात अडकला आहे. गोविंद पद्मसूर्याने गोपिका अनिलशी लग्नगाठ बांधली. दोघांनी त्रिशूर येथील वडक्कुनाथन मंदिरात लग्न केलं. या जोडप्याच्या लग्नात दोघांचे कुटुंबीय आणि जवळचे लोक उपस्थित होते. गोविंदने त्याच्या लग्नाच्या तयारीचे व्हिडीओ त्याच्या युट्यूब चॅनलवर शेअर केले होते. दोघांच्या लग्नाचे फोटो सोशल मीडियावर चर्चेत आहेत. चाहते गोविंद व गोपिका यांना सहजीवनासाठी शुभेच्छा देत आहेत. गोविंद व गोपिका यांचा प्रेमविवाह नाही. दोघांच्या कुटुंबियांनी त्यांच्यासाठी एकमेकांचं स्थळ आणलं होतं. त्यानंतर गोविंद व गोपिकाने लग्नाचा निर्णय घेतला. गोपिका अनिल ही लोकप्रिय मल्याळम अभिनेत्री आहे. तिने आजवर अनेक मालिकांमध्ये काम केलं आहे. गोविंद हा लोकप्रिय होस्ट आहे. त्याने अनेक मल्याळम चित्रपट व तेलुगू चित्रपटांमध्ये काम केलं आहे. त्याने 'आला वैकुंठपुरामुलू' या चित्रपटातही काम केले होते. या चित्रपटात अभिनेत्यासोबत अल्लू अर्जुन आणि पूजा हेगडे मुख्य भूमिकेत होते. यानंतर तो नागार्जुन आणि नागा चैतन्य यांच्या 'बंगाराजू' चित्रपटातही दिसला होता. गोविंद व गोपिका यांनी नवरात्रीदरम्यान अष्टमीच्या दिवशी साखरपुडा केला होता. (सर्व फोटो - गोविंद पद्मसूर्या इन्स्टाग्राम)