रणवीर सिंग अन् पॉर्नस्टार जॉनी सीन्ससह झळकलेली ‘ती’ अभिनेत्री कोण? जाहिरातीमुळे आली चर्चेत

रणवीर सिंग व पॉर्नस्टार जॉनी सीन्स यांची पुरुषांच्या समस्येवर भाष्य करणारी जाहिरात सध्या चर्चेत आहे. या जाहिरातीत जॉनीच्या पत्नीच्या भूमिकेत झळकलेली अभिनेत्री चर्चेत आली आहे. या अभिनेत्रीचं नाव भावना चौहान असून तिने आजवर अनेक जाहिरातींमध्ये काम केलं आहे. या जाहिरातीपूर्वी भावना चौहान सलमान खानचा चित्रपट 'जय हो' आणि सिद्धार्थ मल्होत्राच्या 'हंसी को फसी' या चित्रपटात दिसली आहे. चित्रपटांव्यतिरिक्त, भावना अनेक मालिकांमध्ये दिसली, ज्यात 'रझिया सुलतान', 'ये है आशिकी', 'शौर्य' आणि 'अनोखी की कहानी' सारख्या शोचा समावेश आहे. भावनाला सासू आणि सुनेचे शो अजिबात आवडत नाहीत, म्हणूनच तिने अशा मालिकांमध्ये कधी काम केले नाही. या जाहिरातीबद्दल बोलताना भावनाने सांगितलं की तिने या जाहिरातीसाठी ऑडिशन दिली होती आणि या जाहिरातीची स्क्रिप्ट वाचून ती खूप हसली होती. WWE मधील प्रसिद्ध रेसरल जॉन सीना असणार अशी तिची समजूत झाली होती, पण नंतर तिला कळलं की, जाहिरातमीमध्ये जॉन सीना नसून जॉनी सीन्स आहे. रणवीरबरोबर काम करण्याचा अनुभव खूपच चांगला होता. तर, जॉनी सीन्सबरोबर अधिक काही बोलण्याची संधी मिळाली नाही, तो खूप प्रोफेशनल आहे, असेही भावनाने यावेळी म्हटलं. दरम्यान, भावनाने यापूर्वी अमिताभ बच्चन यांच्याबरोबर काम केलंय. तसेच शाहरुख खानबरोबरही तिने एका जाहिरातीत काम केलंय. (सर्व फोटो - भावना चौहान इन्स्टाग्राम)