Photos : आई तू होणार गं! कार्तिकी गायकवाडच्या घरी हलणार पाळणा; आई-बाबा अन् सासू-सासऱ्यांचा आनंद गगनात मावेना

‘सारेगमप लिटिल चॅम्प्स’ या कार्यक्रमामुळे कार्तिकी गायकवाड घराघरांत लोकप्रिय झाली. मराठी कलाविश्वातील लोकप्रिय गायिका म्हणून तिला ओळखलं जातं. सिनेविश्वातील अनेक प्रसिद्ध गाण्यांना कार्तिकीने आवाज दिला आहे. वैयक्तिक आयुष्यात २०२० मध्ये कार्तिकीने रोनित पिसेशी लग्नगाठ बांधली. प्रेक्षकांची ही लाडकी गायिका आई होणार आहे. कार्तिकी गायकवाडच्या घरी लवकरच नव्या पाहुण्याचं आगमन होणार आहे. ओटभरणी कार्यक्रमातील काही खास क्षण तिने इन्स्टाग्रामवर शेअर केले आहेत. नुकताच तिच्या डोहाळे जेवणाचा जंगी कार्यक्रम पार पडला. कुणीतरी येणार येणार गं! असा संदेश लिहिलेली भव्य रांगोळी, कार्तिकीची नवऱ्यासह ग्रॅन्ड एन्ट्री व अन्य कुटुंबीयांची झलक या फोटोंमध्ये पाहायला मिळत आहे. या फोटोंमध्ये कार्तिकीचे आई-वडील, सासू-सासरे व तिचे दोन भाऊ दिसत आहेत. आपल्या जवळच्या कुटुंबीयांबरोबर तिने हा खास क्षण साजरा केला. कार्तिकी व रोनितचं संपूर्ण कुटुंब यावेळी उपस्थित होतं. डोहाळे जेवणात मुलगा की मुलगी होणार हा पारंपरिक खेळ खेळण्यात आला. डोहाळे जेवणासाठी गायिकने खास लूक केला होता. हिरव्या रंगाच्या साडीवर तिने हलव्याचे व फुलांचे दागिने परिधान केले होते. दरम्यान, सध्या मराठी कलाविश्वातून कार्तिकीवर शुभेच्छांचा वर्षाव करण्यात येत आहे. (फोटो सौजन्य : कार्तिकी गायकवाड इन्स्टाग्राम व @ aditya.image @ awphotography1020 )