कोण आहे प्रियांका चोप्राची होणारी वहिनी? काय काम करते नीलम उपाध्याय? जाणून घ्या

अभिनेत्री प्रियांका चोप्राचा भाऊ सिद्धार्थ चोप्रा त्याच्या वैयक्तिक आयुष्यामुळे चर्चेत आहे. ३५ वर्षीय सिद्धार्थने नीलम उपाध्यायशी 'रोका' केला आहे. नीलमने या सोहळ्यातील फोटो इन्स्टाग्रामवर शेअर केले आहेत. फोटोंमध्ये नीलम व सिद्धार्थ खूपच सुंदर दिसत आहेत. सिद्धार्थ व नीलम यांच्या 'रोका' सेरेमनीसाठी प्रियांका भारतात आली होती. प्रियांका पती निक जोनस व लेक मालतीबरोबर जवळजवळ दोन आठवडे भारतात होती. ती लहान भावाच्या 'रोका' सेरेमनीसाठी आली होती. या कार्यक्रमाला चोप्रा व उपाध्याय कुटुंबातील मोजकेच लोक उपस्थित होते. सिद्धार्थ व नीलम यांच्या रोका सेरेमनीची खूप चर्चा आहे. या पार्श्वभूमीवर आपण नीलम उपाध्यायबद्दल जाणून घेऊयात. नीलम ही लोकप्रिय दाक्षिणात्य अभिनेत्री आहे. तिने अनेक तेलुगू व तमिळ चित्रपटांमध्ये काम केलं आहे. नीलम व सिद्धार्थ मागच्या काही काळापासून एकमेकांना डेट करत होते. नीलमने २०१२ मध्ये 'मिस्टर 7' या तेलुगू चित्रपटातून सिनेसृष्टीत पदार्पण केलं. यानंतर तिने तमिळ चित्रपटांमध्ये काम केलं. ५ ऑक्टोबर १९९३ रोजी जन्मलेली नीलम ३० वर्षांची आहे. सिद्धार्थची होणारी पत्नी नीलम हिचा जन्म मुंबईत झाला होता. तिला मोठा भाऊ असून तो विवाहित आहे. श्रीमती एमएमके कॉलेज ऑफ कॉमर्स अँड इकॉनॉमिक्समधून तिने शिक्षण घेतलं आहे. तिने इंग्रजी साहित्यात बी.ए. केलं आहे. तसेच फोटोग्राफीमध्ये तिने डिप्लोमा केला आहे. अॅक्शन थ्रीडी, ओन्नाडू ओरू नाल, पंदगला वाचाडू, मेरा कर्तव्य माय ड्यूटी अशा सिनेमात तिने काम केलं. सुकुमारूडू, चोरों का चोर, तमाशा, लव्हर हे तिचे इतर काही लोकप्रिय चित्रपट आहेत. नीलम सोशल मीडियावरही खूप सक्रिय आहे. ती इन्स्टाग्रामवर फोटो व व्हिडीओ शेअर करत असते. इन्स्टाग्रामव तिचे २३ हजाराहून अधिक फॉलोअर्स आहेत. प्रियांका चोप्राही तिला इन्स्टाग्रामवर फॉलो करते. नीलम सिद्धार्थबरोबरचे रोमँटिक फोटो सोशल मीडियावर शेअर करत असते. (सर्व फोटो - नीलम उपाध्याय इन्स्टाग्राम) हेही वाचा - प्रियांका चोप्राच्या भावाचं लग्न ठरलं, होणाऱ्या वहिनीने शेअर केले सुंदर फोटो; निक व मालतीचा पारंपरिक अंदाज चर्चेत