Photos: ‘मैं परेशान…’ फेम मराठमोळ्या गायिकेचं सोनेरी ड्रेसमधील हटके फोटोशूट

'इश्कजादे' या चित्रपटातील 'मैं परेशान' या गाण्यातून प्रसिद्धी मिळालेली मराठमोळी गायिका म्हणजे शाल्मली खोलगडे. हिंदी चित्रपटसृष्टीत पार्श्वगायिक म्हणून पदार्पण केल्यानतंर महत्त्वाचे पुरस्कार शाल्मलीने पटकावले. 'मैं परेशान'प्रमाणेच शाल्मलीची कॉकटेल चित्रपटातील 'दारु देसी', ये जवानी है दिवानी चित्रपटातील 'बलम पिचकारी', रेस २ मधील 'लत लग गयी', अय्या चित्रपटातील 'अगं बाई' ही गाणी गाजली. आत्तापर्यंत मोजकीच हिंदी गाणी गायली असली तरीही तिच्या आवाजाने तरुण पिढीला वेड लावले आहे. नुकतेच शाल्मलीने हटके लूकमध्ये फोटोशूट केले आहे. या फोटोशूटसाठी शाल्मलीने सोनेरी रंगाचा फर ड्रेस परिधान केला आहे. 'Golden Star' असे कॅप्शन या फोटोशूटला शाल्मलीने दिले आहे. गळ्यात मोत्यांच्या माळा आणि हातात सोनेरी ग्लोव्हज शाल्मलीने परिधान केले आहेत. शाल्मली हिंदी आणि इंग्रजी गाण्यांचे लाइव्ह शोदेखील करते. आज कला क्षेत्रामध्ये शाल्मलीने स्वत:च भक्कम स्थान निर्माण केलं आहे. (सर्व फोटो सौजन्य : शाल्मली खोलगडे/इन्स्टाग्राम) (हेही पाहा : रिंकू राजगुरूचा समर लूक पाहिलात का? सोशल मीडियावर होतेय चर्चा)