तीन वर्षांत घटस्फोट, दुसऱ्या लग्नानंतर दोन महिन्यात दिली गुडन्यूज, गुजराती पद्धतीने पार पडलं अभिनेत्रीचं डोहाळे जेवण

सुप्रसिद्ध दाक्षिणात्य अभिनेत्री अमाला पॉल तिच्या वैयक्तिक आयुष्यामुळे चर्चेत आहे. अमाला लवकरच आई होणार आहे. तिने ५ नोव्हेंबर २०२३ रोजी बॉयफ्रेंड जगत देसाई याच्याशी लग्न केलं होतं. लग्नानंतर दोन महिन्यांनी तिने ती व जगत आई-बाबा होणार असल्याची बातमी चाहत्यांशी शेअर केली. त्यानंतर तिने अनेकवेळा बेबी बंप फ्लाँट करत फोटो शेअर केले. फोटोंमध्ये अमाला व जगत खूप छान दिसत आहेत. अमलाचा पती जगत हा गुजराती आहे. अभिनेत्रीने तिच्या डोहाळे जेवणाचे फोटो शेअर केले आहेत. अमालाचं डोहाळेजेवण पारंपरिक गुजराती पद्धतीने पार पडलं. त्यांनी डोहाळे जेवणाच्या कार्यक्रमात काही विधीही केले. अमालाचं डोहाळे जेवण गुजरातमधील सुरत इथं पार पडलं. तिच्या डोहाळे जेवणाचे फोटो सोशल मीडियावर व्हायरल होत आहेत. फोटोंवर कमेंट्स करून चाहते तिला शुभेच्छा देत आहेत. अमालाबद्दल बोलायचं झाल्यास ती लोकप्रिय दाक्षिणात्य अभिनेत्री आहे. तिचं पहिलं लग्न तमिळ दिग्दर्शक एएल विजयशी झालं होतं, पण तीन वर्षांच्या संसारानंतर दोघेही विभक्त झाले. त्यानंतर तिने जगतशी दुसरं लग्न केलं. जगत गोव्यामध्ये एका प्रसिद्ध लक्झरी व्हिलामध्ये मॅनेजर म्हणून काम करतो. (फोटो - अमाला पॉल इन्स्टाग्राम)