Photos: दुबईमध्ये शाही राजवाडा, डोंगराळ भागात गाव; २० व्या वर्षी लग्न करणारा अब्दू रोजिक आहे ‘इतक्या’ संपत्तीचा मालक

२० वर्षीय ताजिकिस्तानी गायक आणि बिगबॉस १६ फेम अब्दू रोजिक सध्या त्याच्या वैयक्तिक आयुष्यामुळे चर्चेत आहे. ७ जुलै रोजी तो अमिराती मुलीशी लग्न करणार असल्याच्या सध्या सर्वत्र चर्चा आहेत. 'बुर्गिर' या व्हिडीओच्या माध्यमातून व्हायरल झालेल्या अब्दु रोजिकचा दुबईत शाही राजवाडा आहे. अब्दू ताजिकिस्तानमध्येही भव्य जीवन जगतो. पण तुम्हाला माहित आहे का अब्दू लहानपणी एका छोट्या घरात राहत होता. अब्दुचे बालपण खूप कठीण गेले. अब्दू रोजिकने सलमान खानच्या रिॲलिटी शो 'बिग बॉस १६' मध्ये सर्वांची मने जिंकली. या शोनंतर अब्दू भारतात प्रचंड लोकप्रिय झाला. अब्दु रोजिकने बिग बॉसच्या घरात फार कमी वेळात लोकांच्या मनात एक खास स्थान निर्माण केले होते. 'बिग बॉस 16' पूर्वी, अब्दू रोजिकला भारतात कोणीही ओळखत नव्हते, पण आज अब्दू संपूर्ण देशाचा आवडता बनला आहे. तीन फूट उंचीच्या अब्दूने आपल्या क्यूटनेसने लाखो चाहत्यांची मने जिंकली आहेत. नुकतेच अब्दूने सोशल मीडियावर जाहीर केले की तो ७ जुलै रोजी अमिराती मुलीशी लग्न करणार आहे. व्हिडिओच्या कॅप्शनमध्ये अब्दूने लिहिले, "मला कधीच वाटले नव्हते की कोणीतरी माझ्या आयुष्यात येईल. मी स्वतःला खूप भाग्यवान समजतो की मला माझे प्रेम मिळाले आहे." 'बिग बॉस १६' मधून प्रसिद्ध झालेला अब्दू वैयक्तिक आयुष्यात खूपच श्रीमंत आहे. 20 व्या वर्षी अब्दू रोजिक हा कोट्यवधी संपत्तीचा मालक आहे. अब्दूचा दुबईत एक शाही राजवाडाही आहे. ताजिकिस्तानमध्येही तो विलासी जीवन जगतो. या वयात, अब्दू जवळपास दोन दशलक्ष डॉलर्सच्या मालमत्तेचा मालक आहे. पण अब्दू नेहमीच इतका श्रीमंत नव्हता. 'बिग बॉस १६'मध्ये साजिद खानसोबत बोलताना अब्दूने खुलासा केला होता की, त्याचे बालपण खूप कठीण गेले होते. अब्दू रोजिकने खुलासा केला होता की लहानपणी तो एका छोट्या घरात राहत असे आणि या घरच्या छतावरून पाणी टपकत असे. अब्दूने असेही सांगितले की त्याला आजही खेळण्यांची खूप आवड आहे. अब्दूचे मूळ गाव डोंगराळ भागात आहे. तिथे त्याला खूप छान वाटते. अब्दुचे एक यूट्यूब चॅनेल देखील आहे ज्यावर तो त्याच्या आयुष्याशी संबंधित वेगवेगळ्या गोष्टी शेअर करत असतो. (All Photos: Abdu Rozik/Instagram)