एव्हरग्रीन Couple! २८ वर्षांपूर्वी ‘असे’ दिसायचे ऐश्वर्या व अविनाश नारकर, लग्नाचा फोटो पाहिलात का?

ऐश्वर्या नारकर व त्यांचे पती अविनाश नारकर हे मराठी इंडस्ट्रीतील लोकप्रिय कपल आहे. या जोडप्याचे फोटो व व्हिडीओ सोशल मीडियावर सातत्याने चर्चेत असतात. ऐश्वर्या व अविनाश यांचा उत्साह तरुणांनाही लाजवेल असा आहे. ५४ वर्षीय ऐश्वर्या खूप उत्साही आहेत आणि त्या अनेक ट्रेंडी रील्स बनवत असतात. बऱ्याचदा अविनाश नारकरदेखील ऐश्वर्यांच्या रील्सचा भाग असतात. दोघे सण-उत्सवांशिवाय फोटोशूटचे फोटोही शेअर करत असतात. बऱ्याचदा ऐश्वर्या त्यांचे पतीबरोबरचे जुने फोटो शेअर करतात. असेच काही फोटो व्हायरल होत आहेत. या फोटोत दोन वेण्या घातलेल्या ऐश्वर्या खूपच वेगळ्या दिसत आहेत. तर अविनाश यांचाही लूक हटके दिसतोय. यात ऐश्वर्या नारकर व अविनाश नारकर यांच्या लग्नाचे फोटोही आहेत. नारकर जोडप्याच्या लग्नाला २८ वर्षे पूर्ण झाली आहेत. तेव्हाच्या फोटोंमुळेही ऐश्वर्या व अविनाश खूपच सुंदर दिसत आहेत. या लोकप्रिय जोडप्याला एक मुलगा आहे. त्याचं नाव अमेय नारकर आहे. अनेकदा ऐश्वर्या नारकर त्याच्याबरोबरचे फोटो शेअर करत असतात. (फोटो सौजन्य -- ऐश्वर्या नारकर व सेलिब्रिटी चार्म्स इन्स्टाग्राम अकाउंटवरून साभार)