लग्नानंतर पहिल्यांदाच सई लोकूर गेली तिच्या सासरी; नव्या घरात पाऊल ठेवताच…

'बिग बॉस मराठी'च्या पहिल्या पर्वामुळे अभिनेत्री सई लोकूर प्रसिद्धीझोतात आली. ३० नोव्हेंबर २०२० मध्ये सईने तीर्थदीप रॉयशी लग्नगाठ बांधली. लग्नाच्या तीन वर्षांनंतर १७ डिसेंबर २०२३ रोजी तिने गोंडस मुलीला जन्म दिला. सई लग्नाच्या तीन वर्षांनंतर तिच्या सासरी राहायला गेली. याबाबत सईने सोशल मीडियावर स्टोरी शेअर करत याला कॅप्शन दिलं होतं, “लग्नानंतर तीन वर्षांनी मी शेवटी माझ्या सासरी चालले. मी खूप उत्साहात आहे. नवीन शहर, नवीन घर, नवीन आयुष्य.” सईचं सासर बंगळुरूला आहे. लग्नानंतर सई आणि तिचा पती तीर्थदीप बंगळुरूपासून दूर राहत होते. गेल्या वर्षी १० जुलैला दोघांनी बंगळुरूमध्ये नवीन घर विकत घेतलं. सई दोन दिवसांपूर्वी तिच्या सासरी गेली तेव्हा सासूबाईंनी तिचं जंगी स्वागत केलं. या घरप्रवेशाचा व्हिडीओ तिने सोशल मीडियावर शेअर केला आहे. घरी बाळाला घेऊन आल्यावर सईच्या सासूबाईंनी तिचं औक्षण केलं आणि संपूर्ण घरात अभिनेत्रीसाठी फुलांची सजावट करण्यात आली होती. (All Photos- sai.lokur/Instagram )