अतिशय ग्लॅमरस आहे मिथुन चक्रवर्ती यांची सून; ‘या’ प्रसिद्ध मालिकेत साकारतेय प्रमुख भुमिका, पाहा Photos

अभिनेते मिथुन चक्रवर्ती नेहमीच कोणत्या ना कोणत्या कारणामुळे चर्चेत असतात. तसेच मिथुन यांच्या कुटुंबातील व्यक्तींची देखील सोशल मीडियावर चर्चा रंगताना दिसते. त्यांची सून आणि अभिनेत्री मदलसा शर्मा (Madalsa Sharma) एक उत्तम अभिनेत्री आहे. छोट्या पडद्यावरील प्रसिद्ध मालिका ‘अनुपमा’मध्ये (Anupama) ती काव्याची भूमिका साकारत आहे. मदलसा शर्माने मिथुन चक्रवर्ती यांचा मुलगा मिमोह चक्रवर्ती याच्याशी लग्न केले आहे. १० जुलै २०१८ रोजी या दोघांनी आपल्या कुटुंबीय आणि मित्रपरिवाराच्या साक्षीने विवाह केला. अगदी पारंपारिक पद्धतीने त्यांचा लग्नसोहळा पार पडला. इतकंच नाही तर मदलसा शर्मा हिंदी टेलिव्हिजन क्षेत्रातील लोकप्रिय ज्येष्ठ अभिनेत्री शीला शर्मा यांची मुलगी आहे. ८०च्या दशकात शीला यांनी अनेक मालिकांमध्ये प्रमुख भुमिका साकारल्या आहेत. दरम्यान, मदलसा शर्मा विवाहित आहे यावर चाहत्यांचा विश्वासच बसत नाही आहे. तिच्या ग्लॅमरस अंदाजाचे लाखों चाहते आहे. ‘अनुपमा’ मालिकेत खलनायिकेची भुमिका साकारणारी मदलसा तिच्या वैयक्तिक आयुष्यातही तितकीच बोल्ड आणि ग्लॅमरस आहे. या मालिकेत मदलसा 'काव्या' हे पात्र साकारत असून ही भुमिका ती उत्तमरित्या बजावत आहे. अनेकदा ती सोशल मीडियावर वेगवेगळे फोटो शेअर करत असते. तिचा ग्लॅमरस अंदाज पाहून चाहते घायाळ होतात. (सर्व फोटो : इन्स्टाग्राम)