वडिलांनी बांधलेल्या मंदिरात सुप्रसिद्ध अभिनेत्रीने बॉयफ्रेंडशी केलं लग्न, पाहा शाही सोहळ्यातील सुंदर Photos

सुप्रसिद्ध दाक्षिणात्य अभिनेत्री ऐश्वर्या अर्जुन विवाहबंधनात अडकली आहे. गेले अनेक दिवस तिच्या लग्नाच्या चर्चा होत्या, अखेर अभिनेत्रीचं लग्न मोठ्या थाटामाटात पार पडलं आहे. ऐश्वर्या अर्जुनने तमिळ अभिनेता उमापथी रामैय्याशी १० जून रोजी लग्न केलं आहे. सुप्रसिद्ध अभिनेते अर्जुन सरजा यांची मोठी लेक ऐश्वर्याने ३२ व्या वर्षी लग्न केलं आहे. ऐश्वर्या अर्जुनने तिच्या इन्स्टाग्राम अकाउंटवर लग्नाचे फोटो शेअर केले आहेत. लाल रंगाच्या साडीत अभिनेत्री खूपच सुंदर दिसत आहे. ऐश्वर्याने या खास दिवसासाठी लाल रंगाची सिल्क साडी निवडली. भरजरी दागिने, माथापट्टी आणि कपाळावर लाल टिकली लावलेली ऐश्वर्या खूपच सुंदर दिसत आहे. उमापथी रामैय्याने लग्नसााठी पांढऱ्या रंगाची सिल्क धोती व कुर्ता घातला होता. अभिनेत्रीच्या वडिलांनी बांधलेल्या हनुमान मंदिरात कुटुंबीयांच्या उपस्थितीत दोघांचं लग्न पार पडलं. ऐश्वर्या अर्जुन आणि उमापथी रामैय्या यांची भेट २०२१ मध्ये तमिळ रिॲलिटी टीव्ही शो 'सर्व्हायवर'मध्ये झाली होती. या शोच्या सेटवरच दोघे एकमेकांच्या जवळ आले. काही काळ एकमेकांना डेट केल्यावर २८ ऑक्टोबर २०२३ रोजी खासगी सोहळ्यात साखरपुडा केला होता. दोघांनी साखरपुड्याचे फोटो शेअर करून चाहत्यांना ही आनंदाची बातमी दिली होती. तेव्हापासून चाहते या दोघांच्या लग्नाची आतुरतेने वाट पाहत होते. अखेर हे दोघे लग्नबंधनात अडकले आहेत. दोघांना सहजीवनासाठी चाहते शुभेच्छा देत आहेत. (फोटो - ऐश्वर्या अर्जुन व उमापथी रामैय्या इन्स्टाग्राम)