सोनाक्षी सिन्हा-झहीर इक्बालची बॅचलर पार्टी! लग्नाआधी दोघांनी मित्रांसह केलं एंजॉय, पाहा खास Photos

ज्येष्ठ बॉलीवूड अभिनेते आणि नवनिर्वाचित लोकसभा खासदार शत्रुघ्न सिन्हा यांची लेक सोनाक्षी लग्नबंधनात अडकणार आहे. सोनाक्षी व तिचा बॉयफ्रेंड झहीर इक्बाल यांनी लग्न करण्याचा निर्णय घेतला आहे. दोघेही रविवारी (२३ जून रोजी) लग्न करणार आहेत. सोनाक्षी व झहीर यांनी लग्नाआधी काही इन्स्टाग्राम स्टोरीज शेअर केल्या आहेत. यात पार्टीचे फोटो आहेत. सोनाक्षीने सोमवारी रात्री तिची जवळची मैत्रीण आणि अभिनेत्री हुमा कुरेशीबरोबर पार्टी केली. सोनाक्षीने तिच्या गर्ल स्क्वॉडसोबत बॅचलोरेट पार्टीचा आनंद लुटला. या पार्टीत होणारी वधू सोनाक्षी सिन्हा खूपच ग्लॅमरस दिसत होती. सोनाक्षीने तिच्या काही खास मित्र व मैत्रिणींबरोबरचे फोटो शेअर केले आहेत. दुसरीकडे सोनाक्षीचा होणारा पती झहीर इक्बाल यानेही काही फोटो शेअर केले आहेत. यात झहीर त्याच्या काही मित्रांबरोबर दिसत आहे. दरम्यान, सोनाक्षी व झहीर दोघेही मुंबईत लग्न करणार आहेत. त्यांच्या लग्नासाठी चाहते उत्सुक आहेत. (फोटो- सोनाक्षी सिन्हा व झहीर इक्बाल इन्स्टाग्राम)