पद्मश्री, दोन राष्ट्रीय पुरस्कार ते सर्वाधिक फॉलोअर्स असलेली अभिनेत्री; जाणून घ्या प्रियांका चोप्राबद्दल खास गोष्टी

देसी गर्ल प्रियांका चोप्रा ही बॉलीवूडची प्रसिद्ध अभिनेत्री आहे. ती एक निर्माती देखील आहे. ती भारतातील भारतातील सर्वाधिक कमाई करणाऱ्या अभिनेत्रींपैकी एक आहे आणि तिने दोन राष्ट्रीय चित्रपट पुरस्कार आणि पाच फिल्मफेअर पुरस्कारांसह अनेक पुरस्कार जिंकले आहेत. १८ जुलै १९८२ रोजी जमदेशपूरमध्ये जन्मलेली ही अभिनेत्री तिचा ४२ वा वाढदिवस साजरा करत आहे. भारत सरकारने तिला पद्मश्री देऊन सन्मानित केलं आणि टाइम्सने तिला जगातील १०० प्रभावशाली व्यक्तींमध्ये स्थान दिलंय. २०१८ मध्ये, फोर्ब्सच्या जगातील १०० सर्वात शक्तिशाली महिलांच्या यादीत प्रियांकाचा समावेश होता. तिने द हीरो: लव्ह स्टोरी ऑफ अ स्पाय (२००३) या चित्रपटातून बॉलिवूडमध्ये पदार्पण केले होते. प्रियांकाने आजवर अनेक सुपरहिट चित्रपटांमध्ये काम केलं आहे. तिने फक्त बॉलीवूडमध्येच नाही तर हॉलीवूडमध्येही आपल्या अभिनयाचा ठसा उमटवला आहे. प्रियांकाचे इन्स्टाग्रामवर ९१ मिलियन फॉलोअर्स आहेत. ती सर्वाधिक फॉलोअर असलेली अभिनेत्री आहे. आपल्या करिअरबरोबरच प्रियांका तिच्या लग्नामुळेही खूप चर्चेत राहिली. चोप्राने २०१८ मध्ये अमेरिकन गायक आणि अभिनेता निक जोनासला डेट करायला सुरुवात केली. निकने तिला १९ जुलै २०१८ रोजी ग्रीसमध्ये प्रपोज केले होते. नंतर अवघ्या सहा महिन्यात तिने निकशी लग्न केलं. डिसेंबर २०१८ मध्ये या जोडप्याने लग्न केले, जानेवारी २०२२ मध्ये या जोडप्याने सरोगसीद्वारे मुलगी मालतीचं स्वागत केलं. मीडिया रिपोर्ट्सनुसार, प्रियांका कल्पना चावलाच्या बायोपिकमध्ये दिसणार आहे, हा चित्रपट डिसेंबर २०२५ मध्ये प्रदर्शित होणार आहे.