Photos: ‘छोट्या बयोची मोठी स्वप्नं’ मालिकेतील कलाकरांनी ‘असा’ साजरा केला ६०० वा भाग

सोनी मराठी वाहिनीवरील 'छोट्या बयोची मोठी स्वप्नं' (Chotya Bayochi Mothi Swapna) या मालिकेने आता ६०० भागांचा टप्पा पार केला आहे. बयोच्या स्वप्नपूर्तीचा प्रवास रेखाटणारी ही मालिका प्रेक्षकांनी चांगलीच उचलून धरली आहे. शिक्षणाच्या ध्यासाने कोकण ते मुंबई असा खडतर प्रवास करणारी बयो आता डॉक्टर होण्याच्या प्रवासात पुढची वाटचाल करते आहे. मुंबईसारख्या स्वप्नांच्या नगरीत येऊन आपले स्वप्न पूर्ण करू पाहणारी बयो अनेक संकटांना सामोरी गेली आहे. या मालिकेत 'बयो'ची भूमिका अभिनेत्री विजया बाबर चोख बजावते आहे. ६००वा भाग साजरा करण्यासाठी मालिकेतील सगळे कलाकार उपस्थित होते. यावेळी अभिनेत्री विजया बाबर म्हणाली.. हा ६०० भागांचा टप्पा प्रेक्षकांच्या प्रेमाशिवाय पूर्ण करू शकलो नसतो. प्रेक्षकांचे प्रेम जर असेच पाठीशी राहिले तर आम्ही अजून जोमाने काम करू. मालिकेच्या संपूर्ण चमूने एकत्र येऊन हा महत्त्वपूर्ण टप्पा साजरा केला आणि आनंद व्यक्त केला. आजवरचा बयोचा प्रवास खडतर होता, पण यापुढला तिचा प्रवास कसा असेल, हे मालिकेतल्या पुढल्या भागांत पाहायला मिळेल. (सर्व फोटो सौजन्य : सोनी मराठी/इन्स्टाग्राम) (हेही पाहा : भर पावसात प्रार्थना बेहेरेचं फिकट जांभळ्या साडीत मोहक फोटोशूट)