२० वर्षांनी ‘असा’ दिसतो ‘हातिम’ची भूमिका साकारणारा अभिनेता; काय करतो, कसा दिसतो? जाणून घ्या

हातिम ही लोकप्रिय टीव्ही मालिका होती. डिसेंबर २००३ ते नोव्हेंबर २००४ या काळात ही मालिका प्रसारित झाली होती. स्टार प्लसवरील या मालिकेला प्रचंड लोकप्रियता मिळाली होती. Hatim Actor Rahil Azam : या मालिकेत हातिमची भूमिका अभिनेता राहिल आझमने केली होती. पूजा घई, किकू शारदा, निर्मल पांडे, किश्वर मर्चंट यांच्याही यात महत्त्वपूर्ण भूमिका होत्या. ही मालिका संपून आता २० वर्षे झाली आहेत. यातील मुख्य अभिनेता राहिल आझाद आता कसा दिसतो, काय करतो जाणून घेऊयात. राहिल आता ४२ वर्षांचा आहे. तो अवघ्या २२ वर्षांच असताना त्याने या मालिकेत मुख्य भूमिका केली होती. राहिल सिनेसृष्टीत सक्रिय आहे. त्याने आजवर अनेक मालिकांमध्ये काम केलं आहे. काही मालिकांमध्ये त्याने मुख्य भूमिका केल्या आहेत. २० वर्षांत राहिलचा लूक बराच बदलला आहे. त्यामुळे त्याला पाहिल्यावर हा तोच निरागस हातिम आहे असं वाटत नाही. धीरे धीरे से, एक तुकडा चांद का, मॅडम सर, दिल जैसे धडके धडकने दो, तु आशिकी, गुलाल, ये मेरी लाइफ, आशाओंका सवेरा या त्याच्या गाजलेल्या मालिका आहेत. राहिल सोशल मीडियावर खूप सक्रिय आहे. तो त्याच्या मालिकांच्या सेटवरचे फोटो शेअर करतो. त्याच्या इन्स्टाग्राम अकाउंटवर हातिम मालिकेचे बरेच फोटो पाहायला मिळतात. हातिमच्या लूकमधील फोटो शेअर करून तो आठवणींना उजाळा देत असतो. चाहत्यांचा लाडका हातिम मुळचा बंगळुरूचा आहे. त्याने इंजिनिअरींगचे शिक्षण घेतले आहे. राहिल आताही खूप हँडसम दिसतो. इन्स्टाग्रामवर त्याचे चार लाखांहून जास्त फॉलोअर्स आहेत. चाहते त्याच्या पोस्टवर लाइक्स व कमेंट्सचा वर्षाव करत असतात. (सर्व फोटो राहिल आझम - इन्स्टाग्राम)