Photos: ‘प्रेमाची गोष्ट’मधील स्वातीचा मालिकेच्या सेटवर ‘असा’ साजरा केला वाढदिवस, पाहा फोटो

'स्टार प्रवाह' वाहिनीवरील लोकप्रिय मालिका 'प्रेमाची गोष्ट'मधील प्रत्येक पात्र आता घराघरात पोहोचलं आहे. मुक्ता, सागर, सावनी, माधवी, इंद्रा, सई या पात्रांप्रमाणे 'प्रेमाची गोष्ट' मालिकेतील इतर पात्रांनी अल्पावधीत प्रेक्षकांची मनं जिंकली आहेत. त्यापैकी एक म्हणजे स्वाती. अभिनेत्री कोमल सोमारे गजमलने स्वाती ही भूमिका उत्कृष्टरित्या साकारली आहे. काही दिवसांपूर्वी २० ऑक्टोबरला स्वाती म्हणजे कोमलचा वाढदिवस होता. स्वातीचा वाढदिवस 'प्रेमाची गोष्ट' मालिकेच्या सेटवर मोठ्या उत्साहात साजरा करण्यात आला. सेटवरील वाढदिवसाचे फोटो स्वातीने नुकतेच सोशल मीडियावर शेअर केले आहेत. या फोटोमध्ये मुक्ता, इंद्रा, लकी असे मालिकेतील सर्वजण स्वातीचा वाढदिवस साजरा करताना दिसत आहेत. विशेष म्हणजे मालिकेतील कलाकारांनी स्वातीच्या वाढदिवसानिमित्ताने मेकअप रूम फुग्यांनी सुंदर सजवलेली पाहायला मिळत आहे. ( सर्व फोटो सौजन्य - कोमल सोमारे गजमल इन्स्टाग्राम )