घटस्फोटित अभिनेत्रीने ११ वर्षांनी मोठ्या आध्यात्मिक गुरूशी केलं दुसरं लग्न, फोटो झाले व्हायरल

Divya Sridhar Chris Venugopal Wedding Photos : दाक्षिणात्य टीव्ही अभिनेत्री दिव्या श्रीधर तिच्या दुसऱ्या लग्नामुळे चर्चेत आली आहे. ३८ वर्षीय अभिनेत्रीने ४९ वर्षीय ख्रिस वेणुगोपालशी लग्न केलं. ख्रिस अभिनेता, मोटिव्हेशनल स्पीकर, वकील व आध्यात्मिक गुरू आहे. दिव्या व ख्रिस यांचं लग्न ३० ऑक्टोबरला झालं. तिने गुरुवायूरमध्ये एका मंदिरात जवळचे मित्र आणि कुटुंबीयांच्या उपस्थितीत ख्रिसशी लग्न केलं. ख्रिस वेणुगोपाल आणि दिव्या श्रीधर यांची पहिली भेट टीव्ही शो पतरामट्टूच्या सेटवर झाली होती, त्यानंतर दोघांची मैत्री झाली आणि काही काळानंतर दोघेही प्रेमात पडले. दिव्याचं हे दुसरं लग्न आहे. ख्रिसशी दुसरं लग्न करण्याआधी तिने आपल्या मुलांचा सल्ला घेतला. अभिनेत्रीने सांगितले की तिच्या मुलीने ख्रिसबरोबरचं तिचं दुसरं लग्न स्वीकारलं आहे. ख्रिस वेणुगोपाल फक्त अभिनेताच नाही तर लेखकही आहे. त्याने अनेक चित्रपटांमध्येही काम केलं आहे. (फोटो - ख्रिस वेणुगोपाल व मेडी क्रिएशन्स इन्स्टाग्राम)