‘सातव्या मुलीची सातवी मुलगी’ फेम तितिक्षा तावडेची स्वप्नपूर्ती

प्रसिद्ध अभिनेत्री आणि युट्यूबर तितिक्षा तावडेने एक आनंदाची बातमी सोशल मीडियावर शेअर केली आहे. 'सातव्या मुलीची सातवी मुलगी' या झी मराठीवरील मालिकेमधून तितिक्षा अत्यंत लोकप्रिय झाली. अभिनयासह तितिक्षाने सोशल मीडियावरही सक्रिय राहण्याचा निर्णय घेतला. त्यासाठी तितिक्षाने नोव्हेंबर २०२३ मध्ये स्वतःचा युट्युब चॅनेल सुरु केला. एक वर्ष पूर्ण होताच तितिक्षाला युट्यूबकडून एक बक्षीस मिळालं आहे. तितिक्षाचे युट्युबवर १ लाख सदस्य पूर्ण झाल्यामुळे युट्यूब सिल्वर प्ले बटण मिळाले आहे. तितिक्षाने तिला मिळालेल्या या सिल्वर प्ले बटण घेऊन फोटो काढले आहे. या यशाच्या शिखरावर पोहचायला तिला तिच्या नवऱ्याने व बहिणीने सपोर्ट केल्याचे तिने कॅप्शनमध्ये लिहिले आहे. तसेच युट्युब चॅनल सुरु करण्यासाठी तितिक्षाला तिची बहीण खुशबू तावडेने आग्रह केला होता, असेही तिने सांगितले आहे. (सर्व फोटो सौजन्य ; तितिक्षा तावडे / इंस्टाग्राम )