लाल बनारसी साडीत खुललं अमृता देशमुखचं मनमोहक सौंदर्य, चाहत्यांसह कलाकारांकडूनही कौतुक

आपल्या अभिनयाने महाराष्ट्राच्या घराघरांत पोहचलेली लोकप्रिय अभिनेत्री म्हणजे अमृता देशमुख. अमृता देशमुख सोशल मीडियावर आपले अनेक फोटो व व्हिडीओ शेअर करत कायमच सक्रीय असते. अमृता देशमुखने शेअर केलेल्या फोटो व व्हिडीओला चाहतेही चांगलाच प्रतिसाद देत असतात. अशातच अभिनेत्रीने नुकतंच लाल रंगाच्या बनारसी साडीमधील खास फोटो शेअर केले आहेत. गुढी पाडव्यानिमित्त अमृताने तिचे हे सुंदर फोटो सोशल मीडियावर शेअर केले आहेत. अमृताने शेअर केलेल्या या फोटोमध्ये तिचं सौंदर्य खूपच खुलून आलं आहे. अमृताने शेअर केलेल्या या फोटोला चाहत्यांसह कलाकारांनीही चांगलाच प्रतिसाद दिला आहे. खूपच छान, सुंदर, कमाल अशा अनेक कमेंट्सद्वारे चाहत्यांनी अमृताच्या फोटोचं कौतुक केलं आहे. दरम्यान, अमृता सध्या झी मराठीवरील लक्ष्मी निवास मालिकेतून प्रेक्षकांच्या भेटीला येत आहे. 'लक्ष्मी निवास' या मालिकेतील अमृताची भूमिका प्रेक्षकांच्या चांगलीच पसंतीस पडत आहे. (सर्व फोटो साभार - अमृता देशमुख इन्स्टाग्राम)