Photos: ‘बनारसी साडी, चिकनकारी ब्लाऊज…’ दुर्गापूजेसाठी आलिया भट्टचा पारंपरिक लूक

अभिनेत्री आलिया भट्टने नवरात्रीत दुर्गा पूजेसाठी खास पारंपरिक लूक निवडला आहे. तिने परिधान केलेली साडी ही मस्टर्ड पिवळ्या रंगाची ऑर्गेन्झा बनारसी साडी आहे, ज्यावर नाजूक बुट्टा डिझाईन आहे. या साडीला चांदीच्या झरीची सुंदर बॉर्डर आहे, ज्यामुळे लूकला राजेशाही टच मिळतो. आलियाने या साडीबरोबर ऑफ-व्हाईट चिकनकारी ब्लाऊज निवडला आहे. ब्लाऊज डीप नेक डिझाईनमध्ये असून, लांब बाह्यांचा हा पॅटर्न तिच्या लूकला पारंपरिक आणि एलिगंट लूक देतो. हलकी मेकअप स्टाईल, मोकळे केस आणि मोठे झुमके यामुळे तिच्या संपूर्ण लूकची शोभा अधिक खुलली आहे. हा लूक तिने खासकरून दुर्गा पूजेसाठी निवडला असून, तिच्या सोशल मीडियावर या फोटोंना प्रचंड पसंती मिळत आहे. ‘Light. Love. Shakti’ अशी कॅप्शन देत आलियाने स्वतःच्या लूकला नवरात्रीच्या शक्तिस्वरूप भावनेशी जोडले आहे. (सर्व फोटो सौजन्य: आलिया भट्ट/ इन्स्टाग्राम)