Dasara 2025 : हिरव्या साडीत गिरिजा ओक गोडबोलेचे फोटोशूट; चांदीच्या दागिन्यांनी वेधले लक्ष

अभिनेत्री गिरिजा ओक गोडबोलेने विजयादशमीच्या निमित्ताने पारंपरिक लूकमधील खास फोटो शेअर केले आहेत. हिरव्या रंगाच्या आकर्षक साडीत तिने साधेपणातही देखणेपणा टिपला आहे. साडीवरील सोनसळी पट्टे आणि चौकटी तिच्या लूकला उठावदार बनवतात. गिरिजाने या साडीवर गडद लाल रंगाचा ब्लाऊज घातला आहे. या कॉम्बिनेशनमुळे हिरव्या रंगाचा पारंपरिक पोशाख आणखी खुलून दिसतो. गळ्यात तिने चांदीची तीन पदरी माळ घातली आहे. या दागिन्यांनी तिचा लूक अधिक राजेशाही भासतो आहे. कानांत तिने एकापेक्षा जास्त कर्णफुले घातली असून, वेगवेगळ्या डिझाइन्समुळे चेहऱ्याला एक वेगळाच आकर्षक लूक मिळतो. हिरवी साडी, लाल ब्लाऊज व चांदीचे दागिने हे संयोजन गिरिजाच्या व्यक्तिमत्त्वाला अगदी साजेसे वाटते. पारंपरिकता आणि आधुनिकता यांचा समतोल साधणारा हा लूक आहे. विजयादशमीच्या मनःपूर्वक शुभेच्छा! या कॅप्शनसह शेअर केलेल्या तिच्या या फोटोमध्ये परंपरेचा साज, स्त्रीसौंदर्याचा गोडवा आणि उत्सवी आनंदाची झळाळी एकत्रितपणे अनुभवायला मिळते. (सर्व फोटो सौजन्य: गिरिजा ओक गोडबोले/इन्स्टाग्राम) (हेही पाहा: Photos: जरीदार काठ, आकर्षक दागिने… प्राजक्ता माळीचा देखणा लूक पाहून चाहते म्हणाले, ‘हीच खरी मराठी सौंदर्यवती’ )