KBC शोमध्ये झळकलं सहा वर्षांच्या मराठमोळ्या त्रिशा ठोसरचं नाव; २५ लाखांसाठी विचारला ‘हा’ प्रश्न

'कौन बनेगा करोडपती' शोमध्ये मराठमोळ्या त्रिशा ठोसरबद्दल प्रश्न विचारण्यात आला. नुकत्याच झालेल्या भागात त्रिशाचं नाव झळकलं. अमिताभ बच्चन यांच्या लोकप्रिय शोमध्ये सहा वर्षांच्या त्रिशासंबंधित २५ लाख रुपयांसाठीचा प्रश्न विचारण्यात आला. रचित उप्पल यांना शोमध्ये ‘२०२५ मध्ये राष्ट्रीय चित्रपट पुरस्कार जिंकणारी सर्वात तरुण व्यक्ती कोण बनली?’ हा प्रश्न विचारला गेला. रचित यांना प्रश्नाचं योग्य उत्तर माहीत नसल्यानं त्यांनी 'प्रेक्षक पोल' (Audience Poll) या लाईफलाईनचा वापर केला. Audience Poll या लाईफलाइनमध्ये रचित यांना प्रेक्षकांनी मदत करत 'A - त्रिशा ठोसर' हा उत्तराचा योग्य पर्याय सुचवला. वयाच्या सहाव्या वर्षी त्रिशा ठोसरनं राष्ट्रीय पुरस्कार जिंकला आहे. 'नाळ-२'साठी त्याला हा पुरस्कार मिळाला. या राष्ट्रीय पुरस्कार सोहळ्यात त्रिशानं शाहरुख खानसह अनेक बॉलीवूड कलाकारांबरोबर फोटो काढले. (सर्व फोटो : त्रिशा ठोसर/इन्स्टाग्राम) दरम्यान, येत्या ३१ ऑक्टोबर रोजी त्रिशाची मुख्य भूमिका असलेला 'पुन्हा शिवाजीराजे भोसले' हा सिनेमा प्रदर्शित होत आहे.