स्वस्त स्मार्टफोनचा ‘जलवा’, पहिल्याच सेलमध्ये विकले 1.5 लाखांपेक्षा जास्त फोन; पुढचा सेल 16 फेब्रुवारीला

1/10

गेल्या आठवड्यातच लाँच झालेल्या पोकोच्या Poco M3 या लेटेस्ट बजेट स्मार्टफोनला भारतीय ग्राहकांचा जबरदस्त प्रतिसाद मिळताना दिसतोय. कारण ९ फेब्रुवारी रोजी या फोनसाठी पहिल्यांदाच फ्लॅश सेलचं आयोजन करण्यात आलं होतं. पहिल्याच सेलमध्ये तब्बल दीड लाखांपेक्षा जास्त Poco M3 फोनची विक्री झाली.

2/10

कंपनीने एका प्रसिद्धी पत्रकाद्वारे पहिल्याच सेलमध्ये दीड लाखांपेक्षा जास्त Poco M3 फोनची विक्री झाल्याची माहिती दिली. यासोबतच 30 लाखांपेक्षा जास्त जणांनी फोनमध्ये स्वारस्य दाखवल्याचं कंपनीकडून सांगण्यात आलं.

3/10

पहिल्या सेलमध्ये Poco M3 हा फोन खरेदी करु न शकलेल्यांसाठी १६ फेब्रुवारीला अजून एक संधी असेल, अशी माहितीही कंपनीकडून देण्यात आली. फ्लिपकार्टवर १६ फेब्रुवारीला दुपारी १२ वाजेपासून फोनच्या दुसऱ्या सेलला सुरूवात होईल.

4/10

6जीबी रॅम+64जीबी इंटरनल स्टोरेज आणि 6जीबी+128जीबी इंटरनल स्टोरेज अशा दोन व्हेरिअंटमध्ये हा फोन लाँच करण्यात आला आहे.

5/10

पोको M3 फिचर्स आणि स्पेसिफिकेशन्स :- या फोनमध्ये 6.53 इंचाचा फुल एचडी+ डिस्प्ले असून डिस्प्लेला कॉर्निंग गोरिल्ला ग्लास प्रोटेक्शनही आहे. 6जीबी रॅम आणि 128जीबीपर्यंत इंटरनल स्टोरेज असलेल्या या फोनमध्ये स्नॅपड्रॅगन 662 प्रोसेसर आहे.

6/10

कॅमेरा :- फोटोग्राफीसाठी पोको M3 फोनमध्ये ट्रिपल रिअर कॅमेरा सेटअप आहे. यातील 48 मेगापिक्सेलच्या प्रायमरी सेन्सरसोबत एक 2 मेगापिक्सेलचा मॅक्रो लेन्स आणि एक 2 मेगापिक्सेलचा डेप्थ सेन्सर आहे.

7/10

सेल्फी कॅमेरा : याशिवाय सेल्फीसाठी या फोनमध्ये 8 मेगापिक्सेलचा कॅमेराही मिळेल.

8/10

बॅटरी :- 512जीबीपर्यंत माइक्रो एसडी कार्डचा सपोर्ट असलेल्या या फोनमध्ये कंपनीने 18W फास्ट चार्जिंगचा सपोर्ट असलेली 6000mAh क्षमतेची दमदार बॅटरी दिली आहे.

9/10

कनेक्टिव्हिटी :- कनेक्टिव्हिटीसाठी फोनमध्ये IR ब्लास्टर, 4G VoLTE , वाय-फायशिवाय अन्य सर्व स्टँडर्ड पर्याय आहेत.

10/10

पोको M3 किंमत :- 6जीबी रॅम+64जीबी इंटरनल स्टोरेज असलेल्या व्हेरिअंटची किंमत 10 हजार 999 रुपये आहे. तर, 6जीबी+128जीबी इंटरनल स्टोरेज व्हेरिअंटची किंमत 11 हजार 999 रुपये आहे.