भारतामध्ये दाखल होताच या SUV वर पडल्या ग्राहकांच्या उड्या, कंपनीच्या गाड्यांची विक्री २३४ टक्क्यांनी वाढली; पाहा फिचर्स, किंमत

1/15

चेक प्रजासत्ताकमधील आघाडीची वाहन निर्मिती कंपनी असणाऱ्या स्कोडाने जून महिन्यामध्ये नवीन स्कोडा कुशाक (Skoda Kushaq) आणि स्कोडा ऑक्टीव्हिया (Skoda Octavia) सेडान बाजारात उतरवल्या. (सर्व फोटो स्कोडाच्या वेबसाइटवरुन साभार)

2/15

या गाड्या बाजारात आल्यानंतर या गाड्या भारतीय ग्राहकांच्या फारच पसंतीस उतरल्याचं चित्र दिसत आहे.

3/15

गाड्या बाजारामध्ये आल्यानंतर अवघ्या एका महिन्यात कंपनीच्या गाड्यांच्या विक्रीमध्ये २३४ टक्क्यांनी वाढ झाली आहे. स्कोडानेच जारी केलेल्या पत्रकामध्ये यासंदर्भातील माहिती दिलीय.

4/15

यंदा जुलै महिन्यामध्ये स्कोडा इंडियाने एकूण ३ हजार ८० गाड्यांची विक्री केलीय. मागील जुलैच्या तुलनेत हे प्रमाण २३४ टक्क्यांनी अधिक आहे. मागील वर्षी जुलै महिन्यात स्कोडाच्या केवळ ९२२ गाड्या विकल्या गेल्या होत्या.

5/15

मागील महिन्याच्या तुलनेत कंपनीने यंदा ३२० टक्के अधिक विक्री केलीय. जून २०२१ मध्ये कंपनीने ७३४ गाड्यांची विक्री केली होती.

6/15

कंपनीने दिलेल्या माहितीनुसार स्कोडा कुशाकला भारतीय ग्राहकांचा चांगला प्रतिसाद मिळत असल्याने गाड्यांच्या विक्रीत वाढ झालीय.

7/15

कुशाक गाडी बाजारात उतरवल्यानंतर एका आठवड्यामध्ये २००० जणांनी ही गाडी बूक केली.

8/15

तर जुलैच्या अखेरीसपर्यंत कुशाकसाठी बुकींग करणाऱ्यांची संख्या ६००० पर्यंत पोहचली.

9/15

स्कोडा कुशाक पेट्रोलमध्य दोन इंजिनच्या पर्यायासंहीत उपलब्ध आहेत. गाडीमध्ये १.० लीटर ३ सिलेंडर टीएसआय पेट्रोल आणि १.५ लीटर ४ सिलेंडर टीएसआय पेट्रोल असे दोन पर्याय देण्यात आलेत.

10/15

१.० लीटर इंजिन ११३ बीएचपीच्या क्षमतेने १७५ एनएमचा पीक टॉर्क निर्माण करतं तर १.५ लीटर इंजिन १४८ बीएचपी क्षमतेने २५० एनएमचं पीक टॉर्क निर्माण करतं.

11/15

फिचर्सबद्दल बोलायचं झाल्यास स्कोडा कुशाकमध्ये १० इंचांचं इन्फोटेन्समेंट सिस्टीम देण्यात आलीय. ही सिस्टीम अ‍ॅपल कार प्ले आणि अ‍ॅण्ड्रॉइड ऑटो सपोर्टसहीत येते.

12/15

तसेच या एसयूव्हीमध्ये वायरलेस मिररलिंक, व्हेंटिलेटेड फ्रंट सीट्स, रेअरमध्ये एसी व्हेंटसारख्या सुविधा देण्यात आल्यात.

13/15

तसेच क्रूज कंट्रोल, अ‍ॅम्बियंट लायटींग, ७ स्पीकर्स म्यूझिक सिस्टीमही गाडीत देण्यात आलीय.

14/15

सनरुफ सहीत येणारी ही कॉमपॅक्ट एसयूव्ही प्रकारातील गाडी क्रेटा, किया सेल्टॉस, टाटा हॅरियर, रेनॉल्ट डस्टर आणि निसान किक्ससारख्या गाड्यांनी स्पर्धा करणार आहे.

15/15

स्कोडा कुशाकचे वैशिष्ट्य म्हणजे सर्वात सुरक्षित गाड्यांपैकी एक असणारी ही कॉम्पॅक्ट एसयूव्ही १० लाख ५० हजारांना (एक्स शोरुम प्राइज) उपलब्ध आहे.