१ एप्रिलपासून बँकिंग, टॅक्सशी संबंधीत नियमांमध्ये होणार बदल; जाणून घ्या काय होणार परिणाम

1/15

नवीन आर्थिक वर्ष १ एप्रिल २०२२ पासून सुरू होणार आहे. दरवर्षीप्रमाणे या वर्षीही अनेक बदल होणार आहेत.

2/15

पोस्ट ऑफिसपासून बँकिंग आणि गुंतवणुकीपर्यंत अनेक नियमांचा यात समावेश आहे. मात्र या बदलांमुळे सर्वसामान्यांच्या अडचणी वाढू शकतात.

3/15

१ एप्रिलपासून घर घेणेही महाग होणार आहे. केंद्र सरकार घर खरेदीदारांना कलम ८०ईईए अंतर्गत कर सूट देणे बंद करणार आहे.

4/15

१ एप्रिलपासून औषधेही महागणार आहेत. पेन किलर, अँटीबायोटिक्स, अँटी व्हायरस अशा अनेक औषधांच्या किमती १० टक्क्यांहून अधिक वाढणार आहेत.

5/15

सरकारी तेल कंपन्या दर महिन्याच्या पहिल्या दिवशी गॅस सिलिंडरच्या किमतींचा आढावा घेतात. त्यामुळे १ एप्रिलला सरकार घरगुती गॅस सिलिंडरच्या किमती वाढण्याची शक्यता आहे.

6/15

१ एप्रिल २०२२ पासून पोस्ट ऑफिसच्या काही योजनांच्या नियमांमध्ये बदल होणार आहेत.

7/15

या नियमांनुसार, आता ग्राहकांना टाइम डिपॉजिट खातं, ज्येष्ठ नागरिक बचत योजना आणि मासिक उत्पन्न योजनेत गुंतवणूक करण्यासाठी बचत खाते किंवा बँक खाते उघडावे लागेल.

8/15

अ‍ॅक्सिस बँकेने बचत खात्यासाठी मासिक मर्यादा १० हजार रुपयांवरून १२ हजार रुपये केली आहे. बँकेचे हे नियम १ एप्रिल २०२२ पासून लागू होतील.

9/15

पीएनबीने घोषणा केली आहे की, ४ एप्रिलपासून पॉझिटीव्ह पे प्रणाली लागू करणार आहे.

10/15

पॉझिटीव्ह पे प्रणाली अंतर्गत, पडताळणीशिवाय चेक पेमेंट शक्य होणार नाही. १० लाख किंवा त्याहून अधिक रकमेच्या चेकसाठी हा नियम अनिवार्य आहे.

11/15

केंद्र सरकार १ एप्रिलपासून नवीन आयकर कायदा लागू करणार आहे. पीएफ खाते दोन भागांमध्ये विभागले जाऊ शकते, ज्यावर कर देखील आकारला जाईल.

12/15

नियमांनुसार, ईपीएफ खात्यात २.५ लाख रुपयांपर्यंत करमुक्त योगदानाची मर्यादा लागू केली जात आहे. याच्या वर योगदान दिल्यास व्याज उत्पन्नावर कर आकारला जाईल.

13/15

केंद्रीय अप्रत्यक्ष कर आणि सीमाशुल्क मंडळाने जीएसटीअंतर्गत ई-इनव्हॉइस जारी करण्यासाठी उलाढाल मर्यादा ५० कोटी रुपयांच्या पूर्वीच्या निश्चित मर्यादेवरून २० कोटी रुपये केली आहे.

14/15

१ एप्रिलपासून सरकार व्हर्च्युअल डिजिटल अ‍ॅसेट (VDA) किंवा क्रिप्टोवरही ३० टक्के कर आकारणार आहे.

15/15

याशिवाय, जेव्हा जेव्हा क्रिप्टो मालमत्ता विकली जाते, तेव्हा त्याच्या विक्रीतून १% टीडीएस देखील कापला जाईल. (Photos : Financial Express)