Photos : तुमच्या घरातील सोफा कोणत्या दिशेला आहे? जाणून घ्या यामागे असलेलं सुख-समृद्धीचं रहस्य

घरातील अपरिहार्य घटक म्हणजे लिव्हिंग रूममधील सोफा. आपल्याही घरात हटके आणि स्टायलिश सोफा असावा असं प्रत्येकालाच वाटतं. लिव्हिंग रूममधील जागा, इंटिरिअरचे बजेट यानुसार प्रत्येक जण आपल्या आवडीनुसार सोफा सेटची निवड करतो. टीव्ही बघताना, रिकाम्या वेळेत किंवा पाहुण्यांसाठी आरामदायक सोफा आकर्षणाचे केंद्रबिंदू तर ठरतोच शिवाय घराची शोभा देखील वाढवतो. एल आकाराचा सोफा, सोफा कम बेड असे सोफ्याचे विविध प्रकार आहेत. पण हा सोफा घरात कोणत्या दिशेला ठेवला आहे यावर देखील घरातील आनंद आणि सुख-समृद्धीचं रहस्य दडलेलं आहे.सर्वसाधारणपणे लिव्हिंग रूममधील टीव्हीच्या विरुद्ध दिशेस सोफा सेट लावला जातो. परंतु घर किंवा घराचा दरवाजा कोणत्या दिशेला आहे यावरून सोफा सेट कुठे असावा, हे ठरवलं जातं. वास्तुशास्त्रानुसार, जर तुमचं घर सूर्याच्या उगवत्या म्हणजेच पूर्व दिशेला असेल तर लिव्हिंग रूममधील सोफा दक्षिण, पश्चिम किंवा नैऋत्य दिशेला असावा. घराचा दरवाजा पश्चिम दिशेला असेल तर सोफा नैऋत्य दिशेस ठेवावा. जर घर उत्तर दिशेला असेल तर सोफा पश्चिम किंवा नैऋत्य दिशेच्या कोपऱ्यात असावा. याशिवाय जर अन्य कोणत्या दिशेला घराचा दरवाजा असेल तर उत्तर आणि ईशान्य दिशेला सोफा सेट लावू नये. उत्तर आणि ईशान्य दिशा सोडून इतर कोणत्याही दिशेस सोफा ठेवावा. वरील सर्व माहिती सामान्य गृहीतके आणि माहितीवर आधारित आहे.(सर्व फोटो : Pexels)

घराचा दरवाजा कोणत्या दिशेला आहे यावरून सोफा सेट कुठे असावा हे ठरवलं जातं.