तुमच्या Pan Cardचा कोणी गैरवापर तर केला नाहीये ना? घर बसल्या ‘असं’ काढा शोधून

1/15

तुमच्याकडे अनेक कागदपत्रे आहेत जी जवळजवळ प्रत्येक कामासाठी आवश्यक असतात. ज्यामध्ये आधी आधार कार्ड आणि नंतर पॅन कार्डचा नंबर लागतो.

2/15

बँकेत खाते उघडण्यासाठी किंवा आर्थिक व्यवहार करण्यासाठी असो अशा अनेक कामांमध्ये पॅन कार्ड आवश्यक आहे.

3/15

मात्र काही काळापासून अशा तक्रारीही समोर येत आहेत, ज्यामध्ये लोकांच्या पॅनकार्डचा गैरवापर केला गेला आहे.

4/15

कोणीतरी दुसर्‍या व्यक्तीच्या पॅन कार्डवर कर्ज घेतले किंवा अन्य गोष्टीसाठी वापर केला. अशा घटना तुम्ही वाचल्या असतील.

5/15

अशा परिस्थितीत तुमच्या पॅन कार्डचा गैरवापर झाला आहे की नाही हे जाणून घेणे तुमच्यासाठी महत्त्वाचे ठरते.

6/15

चला तर मग जाणून घ्या की तुमच्या पॅनचा इतिहास कसा तपासायचा आणि तुमचे पॅन कार्ड कुठे वापरले आहे हे कसे शोधायचे.

7/15

बँकेत खाते उघडण्यासाठी, शेअर मार्केटमधील ट्रेडिंगसाठी आयकर रिटर्न भरणे, कर्ज घेणे, मालमत्ता खरेदी करण्यासाठी, सोने खरेदी करणे इत्यादी कामांसाठी पॅन कार्ड आवश्यक आहे.

8/15

तुमच्‍या पॅन कार्डचा इतिहास तपासल्‍यावर, तुम्‍हाला कळू शकते की कोणीतरी फसवणुकीने कर्ज घेतले आहे का. यासाठी तुम्हाला प्रथम https://www.cibil.com/ वर जावे लागेल.

9/15

तुम्हाला त्या वेबसाईटवर ‘गेट योर सिबिल स्कोर’ (‘Get Your CIBIL Score’) या पर्यायावर क्लिक करावे लागेल. नंतर येथे असलेल्या अनेक सब्सक्रिप्शन योजनांपैकी एक निवडा.

10/15

त्यानंतर तुमचा मोबाईल नंबर, जन्मतारीख आणि ईमेल आयडी सारखे इतर तपशील भरा.

11/15

त्यानंतर लॉगिनसाठी पासवर्ड तयार करा. तसेच आयटी प्रकारात ‘इन्कम टॅक्स आयडी’ निवडा.

12/15

आता तुम्हाला तुमचा पॅन कार्ड क्रमांक टाकावा लागेल आणि ‘Verify Your Identity’ या पर्यायावर क्लिक करावे लागेल.

13/15

पुढे विनंती केलेली माहिती आणि शुल्क भरा आणि तुमचे खाते OTP किंवा ईमेल आयडीने लॉग इन करा.

14/15

आता तुमच्या समोर एक फॉर्म येईल, जो भरून तुम्ही तुमच्या खात्यावर किती कर्ज आहे हे जाणून घेऊ शकता.

15/15

जर तुमच्या पॅन कार्डचा गैरवापर झाला असेल तर तुम्ही आयटी विभागाच्या अधिकृत वेबसाइट https://incometax.intalenetglobal.com/pan/pan.asp वर जाऊन तक्रार नोंदवू शकता. येथून तुम्हाला मदत केली जाईलं. (सर्व फोटो: Indian Express)