Photos : ‘या’ राशींचे लोक असतात शॉपिंगचे शौकीन; ब्रॅण्डेड आणि आवडत्या वस्तूंसाठी उधळतात खूप पैसे

अनेकांना शॉपिंगचा नाद असतो. काहींना विंडो शॉपिंग करायला आवडतं तर काही जण ऑनलाइन शॉपिंगला पसंती दर्शवतात. काही लोकांना ब्रॅण्डेड वस्तूंचा शौक असतो. तर काही जण आवडत्या वस्तू खरेदी करण्यासाठी खूप पैसे खर्च करतात. पण खरेदी करण्याचं हे गणित राशींवर अवलंबून असतं, असं सांगितलं तर तुमचा विश्वास बसेल का? ज्योतिषशास्त्रानुसार, सहा राशींच्या लोकांना शॉपिंगचा नाद असतो. यामध्ये कोणत्या राशी आहेत ते पाहूया. वृषभ : या राशीचे लोक शॉपिंगचे शौकीन असतात. असं असलं तरी ते कामाच्या वस्तूंची खरेदी करतात. गरजेच्या नसलेल्या वस्तू विकत घेण्यासाठी वृषभ राशीचे लोक पैसे खर्च करत नाहीत. पुरुषांपेक्षा वृषभ राशीच्या महिला जास्त शॉपिंग करतात. सिंह : शॉपिंग करणे म्हणजे सिंह राशीच्या लोकांसाठी एक सवयीचा भाग आहे. या राशीच्या लोकांना ब्रॅण्डेड वस्तू खरेदी करण्यात जास्त रस असतो. त्यामुळे बऱ्याचदा त्यांच्या खिशाला कात्री देखील लागते. सिंह राशीतील केवळ महिलाच नाही तर पुरुषांनाही शॉपिंगचा नाद असतो. तूळ : तूळ राशीतील लोक लक्झरियस आयुष्य जगणे पसंत करतात. सिंह राशीच्या लोकांप्रमाणेच या राशीच्या लोकांनाही ब्रॅण्डेड वस्तू खरेदी करण्याचा नाद असतो. आवडत्या वस्तू खरेदी करण्यासाठी तूळ राशीचे लोक खूप पैसे खर्च करतात. कुंभ : या राशीच्या लोकांना देखील शॉपिंगचा नाद असतो. कुंभ राशीच्या लोकांना ऑनलाइन शॉपिंग करायला आवडते. इलेक्ट्रॉनिक वस्तू खरेदी करण्याचा या राशीच्या लोकांना शौक असतो. धनू : धनू राशीचे लोक शॉपिंग करताना पैशाचा विचार करत नाहीत. या राशीच्या लोकांना इलेक्ट्रॉनिक वस्तू, कपडे, कॉस्मेटिक्स खरेदी करण्याचा नाद असतो. धनू राशीच्या महिला मेकअपच्या सामानावर जास्त पैसे खर्च करतात. मीन : मीन राशीच्या लोकांनाही शॉपिंगचा नाद असतो. पण या राशीचे लोक स्वतःसाठी नाही तर जिवलग, नातेवाईकांसाठी खरेदी करतात. मीन राशीच्या लोकांना आपल्या व्यक्तींना गिफ्ट देण्यासाठी शॉपिंग करणे आवडते. वरील सर्व माहिती सामान्य गृहीतके आणि माहितीवर आधारित आहे. (सर्व फोटो : Pexels)