Photos : सफरचंद सालीसकट खाण्याचे ‘हे’ फायदे तुम्हाला माहित आहेत का?

रोज एक सफरचंद खाल्ल्याने डॉक्टरांकडे जाण्याची गरज भासत नाही, असे अनेकदा सांगितले जाते. कारण सफरचंद खाल्ल्याने अनेक आजारांचा धोका टळतो. पण बरेच लोक हे फळ खाण्याआधी त्याचे साल काढतात. मात्र असे केल्याने आपण सफरचंदातील अनेक फायदे गमावतो. वजन कमी करणाऱ्या पदार्थांमध्ये सफरचंदाचा समावेश होतो. त्याच्या सालीमध्ये भरपूर प्रमाणात युरसोलीक अॅसिड आढळते, जे पोटावरील चरबी कमी करण्यास मदत करते आणि वजन वेगाने कमी करते. ज्या लोकांना श्वासोच्छवासाचा त्रास आहे त्यांनी सफरचंद त्यांच्या सालीसह खावे, कारण या सालींमध्ये क्वेरसेटीन नावाचे तत्व असते, जे श्वसनाच्या समस्या दूर करते. डॉक्टर नेहमी सफरचंद त्याच्या सालीसह खाण्याची शिफारस करतात. कारण संपूर्ण सफरचंदात सुमारे ८.५ व्हिटॅमिन सी आणि व्हिटॅमिन ए चे सुमारे ९८ आंतरराष्ट्रीय युनिट्स असतात. साल काढून टाकल्यावर, ते अनुक्रमे फक्त ६.५ मिलीग्राम आणि ६० आंतरराष्ट्रीय युनिट्स राहतील. एका मध्यम आकाराच्या सफरचंदात सुमारे ४.५ ग्रॅम फायबर असते, परंतु जेव्हा या सफरचंदाची साल काढली जाते तेव्हा या फळातील फायबरचे प्रमाण फक्त २ ग्रॅम राहते. याचा अर्थ सफरचंदाच्या सालीमध्ये गरापेक्षा जास्त फायबर असते, जे आरोग्यासाठी आवश्यक असते. अमेरिकेच्या कॉर्नेल युनिव्हर्सिटीच्या संशोधनात हे सिद्ध झाले आहे की सफरचंद सालीसह खाल्ल्याने पोट, यकृत आणि स्तनाच्या कर्करोगाच्या पेशी निर्माण होण्याचा धोका कमी होतो. येथे देण्यात आलेली माहिती गृहीतके आणि सामान्य माहितीवर आधारित आहे. (सर्व फोटो : Pexels)