Diabetes Diet: मधुमेहाच्या रुग्णाने ‘ही’ एक गोष्ट जरूर खावी, रक्तातील साखरेची पातळी राहील नियंत्रणात

मधुमेह हा असा आजार आहे, ज्यामध्ये आहाराची काळजी घेणे अत्यंत गरजेचे आहे. असे न केल्यास रक्तातील साखरेची पातळी वाढण्याचा धोका असतो. मधुमेहावर कोणताही इलाज नाही, त्यामुळे आहार, जीवनशैली आणि औषधांच्या मदतीने त्याचे व्यवस्थापन करावे लागते. रक्तातील साखरेची पातळी वाढू नये म्हणून रुग्णांनी आपल्या आहाराची विशेष काळजी घेणे आवश्यक आहे. मधुमेहाच्या रुग्णांना अशा पदार्थांचे सेवन करावे लागते ज्यात भरपूर फायबर असते आणि भरपूर पोषक असतात. तसेच, साखर आणि चरबीयुक्त पदार्थांपासून दूर राहणे आवश्यक आहे. अशा परिस्थितीत अनेक आरोग्य तज्ञ मधुमेही लोकांना ओट्स खाण्याचा सल्ला देतात. ओट्समध्ये कॅलरी कमी आणि फायबर भरपूर असते. ओट्सचा ग्लायसेमिक इंडेक्स कमी असतो, त्यामुळे ते खाल्ल्याने रक्तातील साखरेची पातळी वाढत नाही. संशोधनानुसार, १०० ग्रॅम ओट्समध्ये सुमारे ६८ कॅलरीज आणि २१ ग्रॅम फायबर असतात. नाश्त्यात ओट्स खाल्ल्यास मधुमेही रुग्णांना शरीरात दिवसभर ऊर्जा मिळते. ओट्स खाल्ल्यानंतर खूप वेळ भूक लागत नाही. तसेच हे तुम्हाला जास्त खाण्यापासून देखील वाचवते. ओट्समध्ये कॅलरीज नसतात आणि त्यामुळे पचनशक्ती चांगली राहते. (all photos: pexels)