Photos : मुलींना आईकडून वारशामध्ये मिळते Anxiety; संशोधनातून समोर आली धक्कादायक माहिती

बदलते राहणीमान, वाढलेली स्पर्धा, जीवनशैली, आरोग्य, महागाई यामुळे लोकांना शारीरिक, तसेच मानसिक समस्यांना सामोरे जावे लागत आहे. लोकांमध्ये चिंता आणि नैराश्याचे प्रमाण वाढू लागले आहे. अलीकडेच, कॅनडातील संशोधकांनी चिंता आणि अस्वस्थता यांच्या अनुवांशिक संबंधावर एक संशोधन अभ्यास केला आहे. या अभ्यासानुसार, मुलींना त्यांच्या आईकडून चिंता आणि अस्वस्थता वारशाने मिळते. दुसरीकडे, वडिलांमुळे मुलांमध्ये हा विकार होण्याची शक्यता खूपच कमी किंवा अगदी नगण्य आहे. या संशोधनानंतर त्या मुलींची चिंता आणखी वाढली आहे, ज्यांच्या मातांना आधीच हा विकार आहे. कॅनडाच्या डलहौसी युनिव्हर्सिटीच्या मानसोपचार विभागातील सहाय्यक प्राध्यापक पावलोवा यांच्या मते, या संशोधन अभ्यासातून असे दिसून आले आहे की जर दोन्ही पालकांना चिंता असेल तर मुलांमध्ये हा विकार हस्तांतरित होण्याची शक्यता जास्त असते. या संशोधन अभ्यासामुळे हा विकार असलेल्या महिलांच्या मुलींची चिंता वाढली आहे. त्याचबरोबर वडिलांना चिंता किंवा अस्वस्थता असूनही मुलाला चिंता नसण्याची शक्यता असल्याचे दिसून आले. या संशोधन अभ्यासात महिला आणि पुरुषांचा समावेश करण्यात आला होता, तर ट्रान्सजेंडरचा समावेश करण्यात आलेला नाही. चिंतेशी संबंधित आणखी एका अभ्यासातून असे दिसून आले आहे की जेव्हा पालकांना चिंता असते तेव्हा मुलांना चिंता होण्याची शक्यता असते. या अभ्यासानुसार मुले त्यांच्या पालकांच्या वागणुकीचे किंवा सवयींचे अनुकरण करतात. अशा परिस्थितीत पालक जेव्हा चिंताग्रस्त असतात तेव्हा ज्या पद्धतीने वागतात, त्याच पद्धतीने मुलेही वागू लागतात आणि ती त्यांची सवय बनते. येथे देण्यात आलेली माहिती गृहीतके आणि सामान्य माहितीवर आधारित आहे. अधिक माहितीकरिता तज्ज्ञांचा सल्ला घ्या. सर्व फोटो : Pexels