Health Tips : ‘हे’ घरगुती उपाय करून मिळवा गॅसपासून सुटका

अनेक जणांना रात्रीच्या जेवणानंतर पोट फुगणे किंवा गॅसची समस्या उद्भवते. जर तुम्हाला नेहमी हा त्रास होत असेल तर काही घरगुती उपाय करून तुम्ही या समस्येपासून सुटका मिळवु शकता. कोणते आहेत हे घरगुती उपाय जाणून घ्या. जेवणात बदल करा : रात्रीच्या वेळी जड अन्नपदार्थ खाल्ल्याने अन्नपचन नीट होत नाही. त्यामुळे पोट फुगणे किंवा गॅस होण्याची समस्या उद्भवू शकते. यासाठी रात्रीच्या जेवणात हलक्या अन्नपदार्थांचा समावेश करा. हलके अन्नपदार्थ खाल्ल्यास ते लगेच पचतात आणि गॅसच्या समस्येपासून सुटका मिळु शकते. जेवल्यानंतर शतपावली करा : जेवल्यानंतर लगेच झोपल्यामुळे अन्नपचन नीट होत नाही. त्यामुळे गॅसची समस्या उद्भवू शकते. यामुळे रात्रीच्या जेवणानंतर शतपावली करा म्हणजे थोडा वेळ चाला, यामुळे अन्नपचन नीट होईल. ॲप्पल सायडर व्हिनेगर : ॲप्पल सायडर व्हिनेगरचे सेवन केल्याने गॅसची समस्या टाळता येऊ शकते. यासाठी एक ग्लास पाण्यात एक चमचा ॲप्पल सायडर व्हिनेगर मिसळून प्यायल्यास गॅसची समस्या कमी होण्यास मदत होते. रात्री चहा, कॉफी पिणे टाळा : रात्री चहा किंवा कॉफी प्यायलाने गॅसची समस्या उद्भवू शकते. कारण चहा आणि कॉफीमध्ये कॅफिन असते. कॅफिन असलेल्या पदार्थांचे सेवन केल्याने अन्नपचन नीट होत नाही, त्यामुळे गॅस होऊ शकतो. तज्ञांच्या मते संध्याकाळी सहा नंतर कॅफिन, निकोटीन यांचा समावेश असणाऱ्या पदार्थांचे सेवन टाळावे. कारण यामुळे पचनक्रिया बिघडण्यासोबतच झोपेसंबंधित आजार होण्याची शक्यता असते. (येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला द्या.) (सर्व फोटो सौजन्य : Freepik)