Diebetes Diet : रक्तातील साखरेचे प्रमाण नियंत्रित ठेवण्यासाठी मदत करतात ‘हे’ पाच पदार्थ; पाहा यादी

जगभरात मधूमेह रुग्णांची संख्या वाढत आहे. मधूमेह रुग्णांनी आहाराची विशेष काळजी घेणे गरजेचे असते. कारण आहारातून रक्तातील साखरेची पातळी वाढण्याची शक्यता असते. अशावेळी मधूमेह असणाऱ्या व्यक्तींनी रक्तातील साखरेची पातळी नियंत्रित करण्यास मदत करणारे पदार्थ खाण्याचा सल्ला दिला जातो. रक्तातील साखरेची पातळी नियंत्रित ठेवण्यासाठी कोणते पदार्थ मदत करतात जाणून घ्या. दालचिनी : दालचिनीमध्ये अनेक पोषक तत्त्व आढळतात. दालचिनी खाल्ल्याने मधूमेह रुग्णांमधील बॉडी मास इंडेक्स कमी करण्यास फायदा झाल्याचे दिसून आले आहे. यासह दालचिनी खाल्ल्याने रक्तातील साखरेची पातळी नियंत्रणात ठेवण्यास मदत मिळते. भेंडी : भेंडीमध्ये पॉलिसेकेराइड आढळतात, ज्यामुळे रक्तातील साखरेची पातळी नियंत्रणात राहते. तसेच भेंडीची भाजी फ्लेव्होनॉइड्सचा उत्तम स्त्रोत मानले जाते. फ्लेव्होनॉइड्स हे एक अँटिऑक्सिडंट आहे ज्यामुळे हृदय निरोगी राहण्यास मदत होते. दही : हाय ब्लड शुगर नियंत्रित ठेवण्यासाठी दही फायदेशीर ठरते. दह्यासारख्या प्रोबायोटिक्स असणाऱ्या आमलेल्या पदार्थांचे सेवन केल्याने रक्तातील साखर नियंत्रित राहण्यास मदत होते. शेंगा, सोयाबीन, चणे, मसूर असे पदार्थ खाल्ल्याने रक्तातील साखरेची पातळी नियंत्रित राहण्यास मदत होते. बिया : रक्तातील साखरेचे प्रमाण नियंत्रित ठेवण्यासाठी काही बिया मदत करू शकतात. यासाठी भोपळ्याच्या बिया, अंबाडीच्या बिया, चिया बिया यांचे सेवन करू शकता. या बियांमध्ये अनेक पोषक तत्वे असतात. तसेच यामध्ये फायबर आणि रक्तातील साखरेची पातळी नियंत्रित करणारे अँटीऑक्सिडंट्स भरपूर प्रमाणात आढळतात. हाय ब्लड शुगरचा त्रास असणाऱ्यांना यामुळे फायदा होऊ शकतो. (येथे देण्यात आलेली माहिती घरगुती उपचार आणि सामान्य माहितीवर आधारित आहे. अधिक माहितीकरिता तज्ञांचा सल्ला घ्या.) (सर्व फोटो सौजन्य : Freepik) (हे ही पाहा : Photos : कांदा खाल्ल्याने शरीरावर कोणते परिणाम होतात? जाणून घ्या)