धनत्रयोदशीला ‘या’ राशींच्या नशिबात धनवर्षावाचे संकेत; शनि देणार प्रेमाची नाती सुधारण्याची संधी

Shani Grah Margi 2022: ज्योतिष शास्त्रानुसार प्रत्येक ग्रह वेगवेगळ्या वेळी आपले स्थान बदलून विविध राशींमध्ये प्रस्थान करतो, याचा परिणाम मानवी जीवनावर दिसून येतो. यंदा धनत्रयोदशीच्या दिवशी म्हणजेच २३ ऑक्टोबरला शनी ग्रह मार्गी होणार आहे, याचा लाभ काही विशिष्ट राशींना होऊ शकतो. ज्योतिष शास्त्रानुसार अशा तीन राशी आहेत ज्यांना शनीच्या मार्गक्रमणाचा मोठा आर्थिक लाभ होऊ शकतो. मेष रास: धनत्रयोदशीपासून आपल्या भाग्योदयाला सुरुवात होऊ शकते. शनीचे गोचर होताच कुंडलीत शनी दहाव्या स्थानी विराजमान होणार आहे. शनिच्या मार्गक्रमणाने करिअरमध्ये प्रगतीची शक्यता आहे. नोकरदारांना नवीन नोकरीच्या संधी मिळू शकतात. उत्पन्नही वाढू शकते. मेष राशीच्या व्यक्तींसाठी गुंतवणुकीचा उत्तम काळ हा धनत्रयोदशीपासून सुरु होत आहे. धनु राशि: ज्योतिष शास्त्रानुसार या राशीच्या लोकांच्या कुंडलीत शनिदेव दुसऱ्या भावात असतील. शनिच्या मार्गक्रमणाने धन व वाणीशी संबंधित लाभाची चिन्हे आहेत. जर आपले करिअर शिक्षण किंवा मीडिया क्षेत्राशी संबंधित असेल तर बोलण्याने अनेक कामे मार्गी लागू शकतात. धनत्रयोदशीला सोने खरेदी करणे धनु राशीच्या व्यक्तींसाठी शुभ ठरू शकते मीन राशि: शनिच्या मार्गक्रमणाने आता शनि तुमच्या कुंडलीत ११ व्या स्थानी विराजमान असणार आहे. यामुळे मिळकत वाढण्याची शक्यता आहे. केवळ आर्थिकच नव्हे तर मानसिक तणावापासून सुद्धा काही प्रमाणात विश्रांती मिळू शकते. तुमच्या जोडीदारासह नाते संबंध सुधारण्यास धनत्रयोदशी पासूनचा काळ लाभदायक ठरू शकतो. (सर्व फोटो: संग्रहित)