Beauty Tips: नैसर्गिकरित्या गुलाबी ओठांसाठी ‘या’ टिप्स फॉलो करा

ओठांची निगुतीने काळजी घेणं हा देखील स्कीनकेअरचाच एक भाग आहे. थंडीमुळे ओठ कोरडे पडतात तेव्हा त्यांची निगा राखण्यासाठी फार स्कीनकेअर रुटीन फॉलो केलं जातं. काही घरगुती उपायांचा अवलंब केल्यास ओठांची काळजी उत्तमरित्या राखता येऊ शकते आणि ओठही नैसर्गिकरित्या गुलाबी होऊ शकतात. एक चमचा मधात एक चमचा साखर मिसळून याने ओठांना आठवड्यातून दोन वेळा स्क्रब केल्यास ओठांचा रंग उजळतो आणि साखरेतील अँटिऑक्सिडंट्समुळे उन्हापासून ओठांचे रक्षण होते. एक चमचा दुधात अर्धा चमचा हळद घालून ही पेस्ट ओठांवर ५ मिनिटे लावल्यास ओठांचा रंग उजळू शकतो. हळद आणि दुधाच्या मिश्रणामुळे ओठांवरील मृत त्वचेचे आवरण निघून जाण्यास मदत होते. रात्री झोपण्यापूर्वी कोमट तूप नाभीला लावल्यास ओठांवर त्याचा सकारात्मक परिणाम दिसून येतो. कोरफडीच्या गरात काही थेंब नारळाचे तेल घालून ते मिश्रण थंड करून नंतर लिपबाम सारखे वापरू शकता. बीटाचा रस मधात मिसळून तो लिपबामसारखा वापरू शकता त्याने ओठांचा रंग उजळण्यास मदत होते. रात्रभर दुधात भिजवलेल्या गुलाबाच्या पाकळ्यांची पेस्ट बनवून ती ओठांना १५ मिनिटांसाठी लावली असता त्यामुळेदेखील ओठांचा रंग उजळू शकतो. येथे देण्यात आलेली माहिती गृहीतके आणि सामान्य माहितीवर आधारित आहे. (Photos: Freepik)