Krishna Janmashtami 2023: जन्माष्टमीच्या दिवशी अशी करा भगवान श्री कृष्णाची पूजा

Shree Krishna Janmashtami 2023: हिंदू पौराणिक कथांमध्ये कृष्ण जन्माष्टमीला विशेष महत्त्व आहे. विष्णूचा आठवा अवतार म्हणून ओळखल्या जाणाऱ्या कृष्णकन्हैयाचा जन्मदिन म्हणजे देशभरातील भाविकांसाठी एक सोहळाच असतो. यंदा भाद्रपद महिन्याच्या कृष्ण पक्षाची अष्टमी तिथी ६ सप्टेंबर रोजी दुपारी ३ वाजून ३७ मिनिटांनी सुरू होणार आहे; जी ७ सप्टेंबर रोजी सायंकाळी ४ वाजून १४ मिनिटांनी समाप्त होईल. सकाळी लवकर उठून आंघोळ वगैरे करून घरातील मंदिरात स्वच्छता करावी. घरातील मंदिरात दिवा लावावा. जन्माष्टमीला श्रीकृष्णाला श्रुंगार केल्यानंतर अष्टगंध, कुंकुवाचा तिलक लावावा. त्यानंतर माखन मिश्री आणि इतर नैवेद्याचे पदार्थ अर्पण करावे. त्यांनतर श्रीकृष्णाच्या विशेष मंत्राचा जप करावा. श्रीकृष्ण जन्माष्टमीच्या नैवेद्यात पंचामृत अर्पण करावी. त्यात तुळशीची पाने घाला. पुरणाचा नैवैद्य या पूजेला करू शकता. काही ठिकाणी श्रीखंड पुरीचा नैवैद्यही दाखविला जातो. या दिवशी श्रीकृष्णाला सर्व प्रकारचे पदार्थ असलेले संपूर्ण सात्विक अन्न अर्पण केले जाते. या दिवशी रात्रीच्या पूजेला महत्त्व आहे, कारण भगवान श्रीकृष्णाचा जन्म रात्री झाला होता. विसर्जनासाठी फुले तांदूळ मूर्तीवर अर्पण करावे आणि शेवटी प्रसादाचे वाटप करावे. (हेही पाहा : सनईचा सूर अन् ढोल ताशांचा गजर, मुंबईत गणरायाचे मोठ्या उत्साहात आगमन)