वैविध्यपूर्ण गुणांनी भरपूर आहेत राजमा; हिवाळ्यात सेवन केल्यास मिळतील जबरदस्त फायदे

भारतात राजमाचे उत्पादन आणि सेवन मोठ्या प्रमाणात केले जाते. मात्र, राजमा केवळ चवदारच नाहीत तर खूप आरोग्यदायीही आहेत. राजमामध्ये पोटॅशियम, फॉस्फरस, मॅग्नेशियम, कार्बोहायड्रेट्स, लोह आणि फायबरसारखे अनेक पोषक घटक असतात. हिवाळ्यात याचे सेवन केल्याने शरीराला खूप फायदा होतो. यामुळे शरीराला भरपूर ऊर्जाही मिळते. राजमाचे सेवन केल्यास शरीराला बायोएक्टिव्ह कंपाऊंड्स मिळतात, यामुळे कर्करोगाचा धोका कमी होऊ शकतो. राजमामधील अँटिऑक्सिडंट्स शरीराची प्रतिकारशक्ती मजबूत करण्यास देखील मदत करतात. याचे सेवन केल्याने व्हायरल इन्फेक्शन कमी होऊ शकते. राजमामध्ये भरपूर लोह असते. याचे सेवन केल्याने शरीरात हिमोग्लोबिनची कमतरता होत नाही. राजमामध्ये असलेले फायबर वजन नियंत्रित ठेवण्यास आणि बद्धकोष्ठतेच्या समस्येपासून बचाव करण्यास मदत करते. मॅग्नेशियम युक्त राजमाचे सेवन केल्याने आपली हाडेदेखील मजबूत होऊ शकतात. यामध्ये असलेले फायबर रक्तातील साखर नियंत्रित ठेवण्यास मदत करते. म्हणून मधुमेहींनी राजमाचे सेवन खूप फायदेशीर आहे. इतकेच नाही तर राजमाचे सेवन केल्याने रक्तदाब सुधारते, हृदयविकाराचा धोका कमी होतो आणि स्नायूही मजबूत होतात. येथे देण्यात आलेली माहिती गृहीतके आणि सामान्य माहितीवर आधारित आहे. अधिक महितीकरिता तज्ञांचा सल्ला घ्यावा. (Photos: Freepik)