Recipe: हिवाळ्यात १५ मिनिटांत बनवा चविष्ट गाजर हलवा; मावा किंवा कन्डेन्स्ड मिल्कची आवश्यकता नाही

1/12

गाजर हलवा हा पदार्थ आपण हिवाळ्यात नेहमीच करतो, पण इथे अगदी मोजके आणि घरात सहज उपलब्ध असलेले जिन्नस वापरणार आहोत.

2/12

मावा किंवा कन्डेन्स्ड मिल्कची आवश्यकता नाही.

3/12

फक्त दूध आणि साखर वापरून अवघ्या १५ ते २० मिनिटांत गाजर हलवा तयार होईल.

4/12

साहित्य – २ कप किसलेले गाजर, अर्धा कप साखर आणि अर्धा कप दूध.

5/12

२ टेबलस्पून मिल्क पावडर किंवा २ टेबलस्पून दुधाची साय, अर्धा टीस्पून वेलची पावडर आणि १ टेबलस्पून साजूक तूप.

6/12

आवडीप्रमाणे सुक्या मेव्याचे तुकडे (गाजर हलव्यात मनुका आणि काजूचे कप छान लागतात).

7/12

एका भांड्यात तूप घालावे. तूप गरम झाल्यावर त्यात गाजराचा कीस घालून गाजर मऊ होईपर्यंत परतावे.

8/12

आता साखर घालावी. मध्यम गॅसवर शिजवून घ्यावे.

9/12

साखरेला सुटलेले पाणी अर्धे आटल्यावर दूध आणि ड्रायफ्रूटचे तुकडे घालावेत.

10/12

सर्व मिश्रण सुकत आले की साय किंवा मिल्क पावडर आणि वेलची पावडर घालून हलवा सुकेपर्यंत शिजवावा.

11/12

गाजर हलवा गरम किंवा थंड आपल्या आवडीप्रमाणे वाढावा.

12/12

(सर्व फोटो सौजन्य : Pexels आणि Unsplash)